“Kuya, nasabi ba sa ‘yo ni Daddy na nasa Cebu siya? Tumawag kasi ako kanina para makapagpaalam sa sleepover namin kina Hara. Papunta pala siyang Cebu?”
Iyon kaagad ang narinig ko nang pababa ako sa hagdanan na pinag-uusapan ng magkapatid. Napatigil ako at naisipan na pakinggan muna ang pag-uusapa nila.
“Yes,” matipid naman na sagot ni Zavian.
“Napapadalas ata ang punta ni Dad sa Cebu. May new project ba kayo roon? Hindi ba at may nagma-manage naman ng businesses natin doon?”
Hindi ko na tinapos ang pag-uusap nilang iyon. Nagpasiya akong bumalik sa loob ng kwarto upang kunin ang cellphone ko. Ang sabi ko kagabi ay kakausapin ko si Javier tungkol sa nakita ko kahapon.
Umupo ako sa gilid ng kama ko at kaagad na tinawagan ang numero niya.
Mabilis ang aking paghinga habang hinihintay kong
