Paulit-ulit kong sinasabi sa isipan ko na mali itong gusto niya. Na hindi niya dapat ako magustuhan pa dahil may relasyon ako at ng kanyang ama pero may kung ano rin sa akin na para bang tumatalon sa mga salitang binibitawan niya. Hindi ko na maintindihan ang sarili ko at gusto ko na lamang magpakain sa lupa upang makawala lamang sa sitwasyong mayroon kaming dalawa ni Zavian ngayon.
Humakbang siya papalapit sa akin. Sa kaba ko ay lumayo naman ako. Tinangka ko pang itulak siya ngunit hinagip niya lamang ang kamay ko at hinila papalapit sa kanya.
“Masisisi mo ba ako na ang gusto kong babae ay girlfriend ng dad ko? Akala mo ba madali sa akin ang lahat? Kung alam ko lang na gagawin ito ni Dad noon, unang kita ko pa lang sa ‘yo sa club ay sinabi ko na sa ‘yo na gusto kita. But then again, if
