Hindi nga ako binigo ni Zavian. Parati siyang naghihintay sa akin, parating nakabantay, at kapag may mga schoolmates akong lalaki na lalapit sa akin ay todo bakod siya. Minsan ay hinihila ko na lang palayo dahil mukhang balak pa niyang makipagsapakan. Ayoko naman na pagbawalan siya na pumunta ng school namin.
Walang araw na hindi niya pinaparamdam sa akin ang pagmamahal niya at nakikita ko rin naman ang sarili ko na mas nahuhulog sa kanya. Minsan ay natatakot ako sa sariling nararamdaman pero…kung kasama ko naman si Zavian, sa tingin ko wala akong dapat ikabahala.
Madalas nakakasama ko ang mga pinsan niya. Maganda naman ang pakikitungo ng mga ito sa akin. Mas nakilala ko sina Sera at Neveah na mga kapatid nina Gio at Avion. Mabait silang dalawa at kahit alam nila ang naging relasyon ko k
