“Triana, may I come in? We have to talk,” pagbati niya sa akin. Ni hindi nga ako sigurado kung pagbati nga ba iyong maituturing.
Nilakihan ko ang pagkakaawang ng pinto ng apartment upang makapasok sa loob si Javier. Ganunpaman, hindi ako nagsalita.
May ilan siyang kasama na sa tingin ko ay mga tauhan niya. Naiwan ang mga ito sa labas at tanging si Javier lang ang pumasok sa loob.
Hindi ako mapakali. What happened to Zavian? Alam na ba ni Javier ang lahat kaya ito naririto? Hindi ko mapigilan ang mag-isip ng kung anu-ano dahil hindi pa ako tinatawagan ni Zavian kagaya ng sinabi niya kanina. Is he okay?
Ayokong isipin na may nangyaring masama sa kanya. Kailangan kong maging matatag at tanggalin ang panghihina ng loob na nararamdaman ko ngayon.
Naupo si Javier sa isang maliit na sofa mat
