Nalaman ko na paalis sina Javier dahil pupunta sila sa bahay nina Silas upang dalawin ang kapatid nitong may sakit. Kasama si Audrey at mukhang kasama rin si Zavian. Ako naman ay nagpaiwan na lang. Nagbigay na lang ako ng dahilan para hindi ako pilitin na sumama.
Kaya nang gabing wala sila sa bahay at tahimik ang buong kapaligiran ay lumabas ako ng kwarto. May kadiliman ang mga pasilyo ng pangalawang palapag at tanging torch light lamang sa mga dingding ang nagsisilbing liwanag sa paligid.
Marahan at maingat akong lumabas ng kwarto at nagpunta sa silid ni Javier. Pinihit ko ang pinto ng silid at tiningnan kung naka-lock ito ngunit hindi naman. Nabuksan ko ang pinto at kaagad na pumasok sa loob.
Kinakabahan ako kahit na wala namang tao ngayon. Siguro dahil hindi lang ako sanay na pumusli
