Santana’s POV
“Anong alam mo?” tanong agad sa akin ni Ellery nang dalhin niya ako sa kuwarto niya. Galit na galit ang mukha niya. Pero nakangisi lang ako. Hindi ako nagpapakita ng takot sa kaniya. Kasi kapag nakita niyang duwag ako, lalo niya lang akong paglalaruan. Kaya ngumingiti-ngiti lang ako kasi ito ang sandata ko ngayon sa kaniya. Kapag alam niyang masaya at pangisi-ngisi ako, iisipin niyang matapang ako at lamang sa kaniya.
“Malaki ang tiwala ng asawa mo sa akin. Ganoon niya ako minahal ng seryoso,” pag-aamin ko sa kaniya. Part na rin ito nang pang-iinis ko sa kaniya.
“Hayop ka, ibig sabihin ginusto mo na rin ang pagtikim sa asawa ko?!” sigaw niya at akmang aambahan ako ng sampal pero nakaiwas naman agad ako. Sinalo ko ang kamay niya at saka ko ito hinawakan nang mahigpit. ‘Yung
