Santana’s POV
“Sumisikat pa lang siya may baho na agad.”
“Hindi ako naniniwala diyan.”
“Baka naman may meeting lang na pinuntahan.”
“Kung meeting ‘yan, bakit sa hotel pa?”
“Miss Santana, idol kita, pero sana hindi totoo ‘to.”
“Pogi naman kasi si Sir Renlen kaya push na push din itong si Santana.”
“Lagot siya sa asawa ni Renlen.”
Napapasapo ako sa ulo ko habang binabasa ko ang mga comment ng mga tao tungkol sa kumakalat kong litrato sa hotel na ‘yon. Umagang-umaga tuloy ay tadtad ako ng notification sa mga followers ko. Hindi ko magawang kumain dahil nahihiya ako. Nahihiya ako kasi alam kong totoo. Totoo na kabit ako ni Renlen.
Bumukas ang pinto ng kuwarto ko. Niluwa nito si Reon.
“Anong oras na ah? Bakit hindi ka pa lumalabas at nag-aalmusal? Huwag mong sabihin na apektado ka sa
