"MICAH, put it back here," aniya sa pamangkin nung kuhain nito ang cheese tub para papakin.
Hindi ito sumunod at tumakbo pa sa living room dala ang pinababalik niyang gagamiting sangkap sa ginagawang pizza. Hinabol niya ito pero nagtago na ito sa likod ng binti ni Jio na kararating lang. May bitbit itong bulaklak na agad inabot sa kanya saka dinampian ng magaan na halik ang labi niya. Yumukod ito at kinuha kay Micah ang cheese tub na kailangan niya. Nagpakalong ito kay Jio saka tinago ang mukha sa kanya dahil alam nitong may mali itong nagawa.
"I missed you two," ani Jio habang nakatingin sa kanya. "Magsorry ka na kay tinang, Micah. Tapos laro na tayo sa labas," utos nito sa pamangkin niya na sinunod naman agad ni Micah. Yumakap ito sa kanya dahilan para magkalapit sila ni Jio at mag
