حلقه ١٢ اشباح الماضي

1090 Words

مرت الأيام ولينا تذهب لعملها كل يوم بين المزرعة ومنافذ البيع التي حققت الكثير من الأرباح وفي كل يوم يفتتحون فرع جديد وتحسنت حالة لينا المادية والمعنوية أصبحت تهتم بمظهرها أكثر من ما كانت و علاقتها ب بابا أستا ولوا تقوى أكثر واكثر ومراد بدأ يهتم بها ولكن دون أن يلمح لها بما يجري بداخله ، وذات يوم كانت تجلس مع بابا استا ولوا جلستهم المفضلة داخل المزرعة يتسامرون كما يحدث بينهم من حين لآخر ومراد يجلس قريبا منهم ويدعي أنه مشغول باي شيء رغم أنه يسمع كل ما يدور . - اخر كتاب قريت هولي كان ايه يا لينا - الباحث عن الحقيقة - بس انتي بتقري حاجات قديمة اووي في كتاب جداد بيكتبوا حاجات مختلفة - لكن القديم جميل يا بابا استا ولوا ، عارف زمان اصحابي في المدرسة كانوا مسمييني لينا ابيض واسود - هههههه اشمعنى - بيقولوا اني شبه فاتن حمامه - فاتن حمامة حته واحده - هما بيتريقوا بيقولوا اني عامله فيها فاتن حمامه - ليه يعني - كانوا بيقولوا اني بتكلم زي الممثلين بتوع زمان - بتتكلمي زيهم ازاي - بنفس البطء ونفس اللغة ونفس الطريقة ، ما بحبش أي كلمة خارجة ولا اقولها ولا اسمعها - خلي بالك من نفسك يا لينا اللي زيك هيتعب في الدنيا دي أووي - ههههه هو انا لسه هتعب اكتر من كده - اللي شفتيه حاجة واللي جاي حاجة تانية - ربنا يستر الدنيا وحشه فعلا - لو ما كنتيش تتجوزي واحد يعرف قيمتك ويفهمك هتتعبي - هههههه ما هو عشان كده مش باين اني هتجوز - ليه يعني اكيد في اللي يفهمك ويقدرك - اه في زحل وزمانه جاي مش هيتأخر - ههههه ليه يعني موجود ما تقلقيش مسيرة عينيه تفتح فطنت لينا لما يرمي له بابا أستا ولوا وانتبهت أن مراد سمع الحديث فأحست بالحرج وتركت المكان متعللة أن لديها كثير من الأعمال بمنفذ البيع وتركتهم ورحلت . - بتلمح لايه يا راجل يا عجوز أنت - هو حد كلمك يا واد - ما هو يا ريتك بتكلمني أنا أنت بتكلمها هي - هي مين - ايوه اتلاقم عليا بقى - ما تتلم يا واد وبعدين اه أنا عايزك تتجوزها - مش بقولك شكلك عجزت وخرفت - اخرص قطع ل**نك قليل الادب ما هي لو امك كانت عرفت تربيك ما كنتش تطول ل**نك على جدك - أهي بنتك أبقى اتصرف معاها - أنا عايز افهم فيها ايه لما تبدأ من جديد ، فيها ايه لما تعمل بيت ونجيب عيال - عيال .. بيت .. بتتكلم كأنك ما كنتش موجود ولا تعرف حاجة - لا عارف كل حاجة ، لكن اللي حصل مش نهاية الدنيا أنت مش اول ولا اخر راجل مراته تخونه مع صاحبه ولا اول ولا اخر اب بنته تتعب وتموت - كفاية اسكت بقى .. كفاية - مش هسكت لازم تفوق أنت محتاج حد يفوقك - مين قالك أنها مش هتعمل زيها - لينا تعمل كده .. أنت خلاص عميت ولا عميت ايه انت اعمى من الاول - يا سلام خضرة الشريفة هي - هو انت لو مكنتش أعمى ماكنتش أتجوزت الزبالة اللي كنت متجوزها - كنت بنجم أنا - لا كنت اهبل أصل ده محتاج تنجيم ما أنا نصحتك ما سمعتش الكلام وبنصحك دلوقتي ومش راضي تسمع الكلام - بتنصحني بأية اني اتجوز تاني واعمل في نفسي كده تاني - يا واد البت دي شبهك صدقني قلبها نضيف زيك هي دي اللي هتعرف قيمتك وتريحك - أنت مالك محسسني أنها بنتك وانت اللي مربيها من زمان ليه كده - مش لازم اربيها من زمان واعرفها من زمان أنا مش صغير أنا ابص في عين البني ادم أفهمه من أول نظرة - مش اوي بس كده هصدقك - بكرة تعرف وتتأكد لوحدك بس يا خوفي يكون فات الاوان انتهى الحوار بينهم برحيل مراد وتركه المكان ل بابا استا ولوا وظل بابا استا ولوا يفكر كيف يقنعه أن يتغير ويبدأ حياته من جديد ، ولكن الماضي يأبى أن يترك لهم الفرصة أن ينسوا ويبدأوا حياة جديدة ، فجأة ظهر .. نعم ظهر أمام بابا استا ولوا ذلك الو*د الحقير نعم ظهر مازن صديق مراد الذي غدر به وحرض زوجته عليه ورتب لها الهرب ووعدها بالزواج . - أذيك يا بابا استا ولوا - نعم يا روح امك ايه اللي جابك مش كنت حارمنا من طلعتك البهية - ههههه لسه دمك خفيف يا بابا استا ولوا - جاتك بوو دم اهلك يلطش - ههههه ليه بس كده - أنجز اكيد عايز حاجة - بصراحة كده عايز اشتغل معاكوا - وحياة امك - الشغل ما لوش دعوة يا بابا أستا ولوا بأي حاجة تانية - عارف لو ما انصرفتش من قدامي الساعادي هنده العمال يودوك مصنع اللحمة ويعملوك سجق - والله انت ظالمني يا بابا استا ولوا أنا معملتش حاجة هي اللي - عارف لو مقمتش من وشي يا بن ال .... ظهرت لينا فجأة هي وعشماوي وزين فوجدوا بابا استا ولوا منفعلا وصوته عالي وهذا الضيف الثقيل من الواضح أنه هو السبب - في ايه يا بابا استا ولوا ماله ده - ارميه بره يا عشماوي - هدي نفسك يا بابا استا ولوا - مين القمر دي يا بابا استا ولوا مرات مراد الجديدة - شوف البرود يا اخي - بقولك ايه يا اخينا تعالى معاية بالذوق بدل ما اخرجك بالعافية - قولي طيب مين القمر دي وانا امشي - اه يا اخي دي خطيبة مراد عندك مانع ايه الرخامة دي - يا جدع انصرف عليت ل الراجل الضغط خرج ذلك الشخص السمج أخرجه عشماوي وزين ووجد أنه لا مفر من الخروج معهم . - ليه يا بابا استا ولوا قلتله اني خطيبة مراد وبعدين مين ده - ده السبب في مرض مراد وموت بنته ده أحقر انسان ممكن تقابليه في حياتك - يعني ايه أنا مش فاهمه حاجة - مسيرك هتفهمي كل حاجة مفيش حاجة بتستخبا - المهم ما تعصبش نفسك يا بابا استا ولوا - البني ادم ده فور دمي الحمد لله أن مراد ما شفهوش كان زمانه أنت** اكتر من الاول - ل الدرجادي - اكتر من ما تتصوري - طيب بس هدي نفسك عشان خاطري - الحمد لله أنه غار في داهيه - الحمد لله روق بقى - خلاص ما تقلقيش - طيب أنا هروح بقى أنا عشماوي وزين عايز حاجة - تسلميلي يا بنتي مش عارف من غيرك كنت هعمل ايه - اعمل ملوخيه هههههه - يا بت بطلي الألش الرخم ده - رخم ماشي يا بابا استا ولوا سلام بقى رحلت لينا واتجهت لبيتها هي واخوتها وظل بابا أستا ولوا يفكر ما الذي جعل هذا الو*د يظهر مرة أخرى في حياتهم وكيف يبعده عن طريق مراد ولينا خاصة بعد أن عرف أن لينا خطيبة مراد بالتأكيد سيحاول معها بنفس الندالة كما حاول من قبل لماذا تأبى اشباح الماضي أن تنصرف وتتركهم يعيشون الحاضر والمستقبل ، يا لها من مأساة حقيقية ستتسبب في كارثة اكبر من كل ما مضى .

Free reading for new users

Scan code to download app

App Store Google Play

Facebookexpand_more