الحلقة 13 چيليانا

1014 Words

بعد ما حدث بفترة دخلت لينا عنبر النعام فوجدت مراد واقف هناك فتجنبته فقطف وردة وأتى إليها . - ممكن تقبلي دي مني فابتسمت خجله مندهشة - ميرسي - انا بس حبيت احيكي على التغيير الخطير اللي عملتيه في شكلك أصل شكلك قبل كده بصراحه .. نظرت له نظرة حاده - المفروض انت اللي تستحق الوردة دي أنت مش فاهم من ساعة ما استحميت وحلقت بقيت حاجة تانية خالص - ههههه معاكي حق طبعا - اهم حاجة أنك رحمتنا من الريحة اللي كانت جايبه لأخر الشارع - ما تلمي ل**نك بقى وانا عشان ساكتلك - ما تسكتش هتعمل ايه يعني **ت مراد فجأة ناظرا إلى الفراغ ثم انطلق في اتجاه اليمين - چيليانا .. چيليانا نظرت له بفزع - مراد مالك يا مراد - أنتي مش شايفاها چيليانا بنتي اهيه اغرورقت عيناها بالدموع - شايفاها يا مراد شايفاها بس تعالى معاية دلوقتي - أجي معاكي واسيبها .. اسيب بنتي مش كفاية هي سابتها - معلش .. هي كويسه صدقني أنطلق يبحث عنها في كل مكان ثم ذهبوا ل بابا استا ولوا - ماله مراد يا لينا - تعبان يا بابا استا ولوا - تعبان ازاي ايه اللي حصله عمال يصرخ وينده على بنته - لو قلتلك مش هتصدقني - أنتي عارفه اني بصدقك - مش هو لوحده يا بابا استا ولوا - يعني ايه مش هو لوحده - أنا كمان - أنتي كمان ايه يا بت هتجنينيني تنقطيني بالكلام - أنا كمان شفتها - شفتي مين يا بت - شفت چيليانا - أنتي هتجنينيني أنا هجيبلكوا عادل يتصرف معاكوا خرج بابا استا ولوا وطلب السيارة والسائق واتجه إلى دكتور عادل بالمستشفى دخل إليه فاستقبله بترحاب . - اهلا بابا استا ولوا - ولا اهلا ولا سهلا تعالى معاية حالا - خير يا بابا استا ولوا خضتني - الواد والبت اتجننوا - واد ومين وبت مين - مراد ولينا اتجننوا - اتجننوا ازاي - بيقولك شاف جيليانا - جيليانا - اه - ولينا مالها - بتقولك كانت معاه وشافتها هي كمان - ايه انت بتقول ايه يا بابا استا ولوا - تعالى معاية بالذوق ولا اخدك بالعافية احنا لسه هنحكي حواديت - طيب تعالى يا بابا استا ولوا أنا جاي معاك - ذهب الدكتور عادل مع بابا استا ولوا ليفهم ما حدث وصلوا المزرعة فوجد مراد في حالة مزرية . - ما لك يا مراد - لقيت چيليانا يا عادل لقيتها صدقني - لقيتها فين يا مراد - لقيتها صدقني في المكان اللي بتحبه لقيتها واقفة بتتفرح على النعام - طيب ممكن بس تهدى - أنا مش مجنون انا شفتها أعطاه حقنه مهدئه ثم خرج ليجد لينا واقفة بالخارج وحالتها أيضا صعبه جدا فاتجه نحوها - مالك يا لينا - ولا حاجة يا دكتور أنا كويسه - ايه اللي حصل لمراد - شاف جيليانا - وانتي - أنا ايه - انتي كنتي معاه - اه كنت معاه - وبعدين - وبعدين ايه - بابا استا ولوا بيقول انك شفتيها أنتي كمان - اه شفتها - شفتيها ازاي - صدقني شفتها - چيليانا ماتت وانتي عارفه وهو عارف شفتوها ازاي - معرفش بس هو شاور على بنت ونده عليها وانا شفتها - طيب ما تنسيش ميعادنا في المستشفى - حاضر يا دكتور عادل بس انا مش مجنونه - قلنا مفيش حاجة اسمها مجانين - أنا عارفه أن محدش هيصدقني أنا ولا مراد بس ده اللي حصل لو هو بيتهيأله أنا مش بيتهيأ لي - أنا مقلتش بيتهيأ لك هنعرف الموضوع ده بعدين - حاضر يا دكتور هنجيلك أنا ومراد - لا ما لكيش دعوة بمراد مراد لو راح المستشفى مش هيخرج منها واحنا ما صدقنا أنه خرج خرج الدكتور عادل بعد أن طمئن بابا استا ولوا أن هذا شئ متوقع وتركهم ورحل ورحلت لينا مع زين وعشماوي وأثناء الطريق . - يا عيني ع الأستاذ مراد صعب عليا والله - معقول اتجنن تاني يا عشماوي - ما اتجننش يا زين - أمال ايه اللي حصله يا لينا - قلتلك ما اتجننش أنا كنت معاه وشفت البنت - أنتي باينك اتجننتي أنتي كمان - لا ما اتجننتش يا عشماوي أنا شفت البنت بقولك - البنت ماتت زي ما بيقولوا أنتي شفتيها ازاي - لو هو بيتهيأ له أنا كمان بيتهيأ لي هو في اتنين يتخيلوا نفس الحاجة في نفس الوقت اكيد لا - بس حاجة غريبة ازاي شفتو ها وهي ماتت - مش يمكن دي مش بنته ودي بنت شبهها - صدق يا واد يا زين أنت بتفهم كلامك صح - ما هو مفيش تفسير تاني يا لينا - طيب والبنت دي راحت فين - ما هو ده اللي هيجنني يا عشماوي - وليه تظهر فجأة وتختفي فجأة - ما هي دي برضه حاجة غريبة - حاجة غريبة ومحتاجة ندور ونفهم وصلوا إلى بيتهم وطرقوا الباب ففتحت امهم وحضرت لهم العشاء وجلسوا جميعا ياكلوا وهم صامتين شاردين على غير عادتهم فقالت امهم . - ما لكوا يا عيال - مفيش يا ماما - مفيش ايه يا بت أنتي عدتيهم - عادتهم ازاي يعني - جبتلهم اكتئاب هما كمان - هههه لا الاكتئاب ده مرض رقيق ل الناس الرقيقة - وطبعا عشماوي ما يعرفش الكلام ده - هههههه فعلا - والله بجد لقيتوا حد تقفش*ه - طب بزمتك أنت رقيق - لا طبعا - طيب يبقى زعلان ليه بنقول الحقيقه - سيبوني اكل عشان اركز وافكر - تفكر في ايه يا عشماوي - بعدين هقولكوا - هو انت بتعرف تفكر زيينا - تاني هتالشوا أنا هسيبكوا وادخل انام احسن انتهى اليوم واستيقظوا في صباح اليوم التالي - يا اولاد هو انا لازم افضل اصرخ ع الصبح اصحيكوا وعليا النعمه لو صحيتوا تتخانقوا ع الحمام زي كل يوم هيبقى يومكوا مش معدي - أنا صحيت يا ماما اهه - طيب خلصي الحمام على ما اصحي أخواتك يا لينا وانتهوا من اعداد أنفسهم وذهبوا جميعا إلى المزرعة - زين عايزك معايه - خير يا عشماوي - بس تعالى - هنروح فين - عند النعام - ليه - بس طاوعني وتعالى - اكيد مش هتروح تلاقي البت هناك - عارف يا خفيف - أمال هنروح نعمل ايه بس - بس تعالى نشوف الدنيا يمكن نوصل ل حاجة - تعالى يا عشماوي بس انا مش متفائل - والنبي ما نقصاك خلينا في اللي احنا فيه - مش هفتح بوئي خليني وراك وربنا يسترها - أن شاء الله هنوصل لحاجة بس نحاول ما تقعدش كده - معاك حق برضوا انطلقوا نحو عنبر النعام

Free reading for new users

Scan code to download app

App Store Google Play

Facebookexpand_more