حلقة 15 اكتئاب ذهاني

1688 Words

جلست لينا جلستها المفضلة مع بابا استا ولوا وسط الخضرة وأمام صفحة الماء حيث البحيرة الصغيرة الموجودة وسط المزرعة . - أحوا لكوا أنتي ومراد مش عجباني - ليه بس يا بابا أستا ولوا - شفتي شبح چيليانا تاني - ده مش شبح - لما انا - دافن البنت بايدي تبقى رجعت ل الحياة تاني ازاي - يمكن مش هي - أمال - يمكن بنت شبهها ، هو انا كنت شفت چيليانا قبل كده انا شفته بيجري ورا بنت بيقول بنتي .. بنتي .. چيليانا - وانتي شفتي البنت دي - اه شفتها .. عشان كده بقولك دي بنت شبهها مش هي - صدقي كلامك منطقي - مستحيل اثنين يهلوسوا نفس الهلوسة - بصراحة أنا عارف انك بتحببيه قلت حسيتي وأتأثرتي بيه - أيه اللي بتقوله ده يا بابا استا ولوا - قلت ايه قلت الحقيقة .. أنتي بتحبيه وهو كمان بيحبك والجدع فيكوا ينكر عشان الطشه قلم افوقه - لو سمحت ما تتكلمش في الموضوع ده تاني يا بابا استا ولوا - هتقريلي كتاب أيه النهاردة - أنت عايزني اقرالك كتاب أيه - مش عارف ..اقولك كلميني شويه عن طفولتك - هههههههه أنت هتشتغل مع دكتور عادل - بتضحكي على ايه يا بت أنا بس كل الحكاية عندي فضول - عايز تعرف ايه بالضبط عن طفولتي - مين اللي حببك في القرايه - بابا الله يرحمه اول حد يشتري لي كتاب - وبعدين - ههههه وبعدين ايه - ما تستغربيش اسالتي أصلك تركيبة غريبة - غريبة ازاي يعني - يعني الوسط اللي انتي عايشه فيه والدنيا اللي أنتي عايشه فيها مش جو قرايه خالص ولا جو ثقافة - فعلا معاك حق ، عشان كده كنت بيمر عليا وقت طويل اووي ما بقراش حاجة - ما هو. ده طبيعي - بابا الله يرحمه كان بيشجعني دائما اقرأ - بابا كان دارس ايه - لا بابا كان معاه دبلوم صنايع وماما كمان دبلوم تجارة لكن ماما كانت تذاكر لي اه لكن مش مركزه اووي في موضوع القراءة ده لكن بعدين بقت تشجعني وبعدين لقت ما منوش فايدة ههههه - ما منوش فايدة. أزاي يعني - منه ضرر كمان - ضرر ازاي يعني - يعني كانت شايفة أن قراية الروايات والتليفزيون هما اللي بوظولي دماغي - هههههه امك دي عسل ابقي سلم يلي عليها - أنت بترسم ولا ايه يا بابا أستا ولوا ههههه - كنتي بتحبي تقرأي في ايه - الروايات والشعر اكتر حاجة لكن بحب الاطلاع بوجه عام - مثقفة أنتي - ههههه لا أنا ما بقراش ل الثقافة - أمال بتقرأي لأية - ل المتعة - مش بقولك أنتي غريبة وقف زين وعشماوي امام النعام يتجولون في المكان - أحنا تاني مرة نيجي هنا ومش واصلين لحاجة - مسيرنا نوصل يا زين - أنا مش فاهم المكان ده مهجور ليه كده - صحيح معظم أو كل العنابر بيبقى فيها عمال - حاجة غريبة جدا ومريبة في نفس الوقت - بقالنا ساعة بنلف في المكان - ربك هيبعت دلوقتي اي امارة - ربنا يسترها **توا لبرهة ثم فجأة ظهرت طفلة صغيرة بين الزرع جرى نحوها زين وتبعه عشماوي فرت البنت منهم فظلوا يطاردوها وفجأة التفتت البنت إليهم فوجدوها شبحا مخيفا بعينين واسعتين حمراوين وملامح مش*هه مخيفة وتحول شعرها ل اللون الاحمر أيضا وأصبح مهوشا منكوشا وكأنه نيران صرخوا مفزوعين وفرت منهم البنت وبعد أن كانوا يجرون نحوها جروا بعيدا عنها في الاتجاه الآخر وظلوا يجرون بعيدا حتى وصلوا لوسط المزرعة حيث العمال والمزارعين في كل مكان اتجه نحوهم أحد العمال - مالكوا بتجروا ليه كده - ها ولا حاجة مفيش - مالك يا زين - اصلنا لقينا بن .. - لا مفيش .. مفيش حاجة يا زين احنا كويسين .. اتوكل أنت على الله شوف شغلك - مالك يا عشماوي ما قلتلوش ليه ع اللي شفناه - عايزهم يقولوا علينا مجانين محدش هيصدق أن شبح البت اللي ماتت موجود في المزرعة - معاك حق صحيح - أوعى تجيب سيرة احنا ما شفناش حاجة - لا مش هجيب سيرة حاجة خلاص و أوعى في أي وقت تقولي تعالى نستكشف وندور على الحقيقة أنا مش عايز اعرف حاجة - الحقيقة خلاص انا عرفتها روح البت ساكنة المزرعة مش راضية تمشي منها - طب واحنا هنفضل في المزرعة بعد اللي عرفناه - اكل عيشنا هنعمل ايه .. اكل عيشنا يا زين ما صدقنا لقينا شغلانة كويسة - احنا ما نقعدش هنا لبعد المغرب بعد كده زي النهاردة - معاك حق ولا احنا ولا لينا وقفت لينا أمام الغزلان وهي أيضا في مكان متطرف من المزرعة ولم يوجد أي عمال فنظرت فجأة فوجدت عامل من العمال أتى أليها - أؤمري يا ست لينا - هو ليه مفيش عمال هنا ولا عند النعام - عشان البيه كان بيؤمر ما حدش يجي هنا غير تحت إشرافه - طيب انا حاسة أن المكان هنا مهمل كده - معاكي حق فعلا لكن حالا كله هيبقى تمام - أنا ما شفتكش قبل كده انت اسمك ايه - أنا أسماعيل الجزار يا هانم بشتغل في مصنع اللحوم - أيه الكلام الغريب ده لما أنت بتشتغل في مصنع اللحوم ايه اللي جابك هنا - كنت معدي من هنا وانا مروح عشان واخد أذن لقيت حضرتك واقفة قلت اعدي اشوفك عايزة حاجة - شكرا يا عم أسماعيل - تسلمي يا أنسه لينا تؤمري بحاجة قبل ما امشي - شكرا وفجأة وقف خلفها وأص*ر صوتا غريبا قائلا - خلي بالك من نفسك ، مراد مش ضحية زي ما أنتي مفكرة - أيه اللي بتقوله ده يا بني أدم أنت والتفتت حولها فلم تجد أي شخص في المكان فانقبضت وقررت الرحيل من المكان وذهبت ل بابا استا ولوا . - اخبارك ايه يا بابا استا ولوا - كويس أنتي أخبارك أيه - الحمد لله على كل حال كان مراد يجلس بجواره ولكنها تجاهلته تماما ولم توجه له أي كلمة - مفيش أذيك يا مراد - أذيك أخبارك ايه - كويس طول ما أنتي كويسه - الحمد لله مش بعاده هادي ورايق كده - يا ساتر يا رب .. يا ناس يا شر كفاية قر - ههههه ما يحسد المال الا أصحابه - ايه اللي بتقوله ده يا بابا استا ولوا - اسكتي أنتي هو فاهم أنا بقول ايه - أنا رايحه لدكتور عادل النهاردة على فكرة - مالك تعبانة ولا حاجة - لا خالص بس ميعادي معاه النهاردة - طيب لما تروحي قوليلي اخلي السواق يوصلك - هشوف عشماوي كده يا خدني في سكته لأقرب مكان وهو رايح فرع العباسية - كويس أنه رايح الفرع خرجت لينا وركبت السيارة مع عشماوي متوجهه إلى المستشفى لتقابل الدكتور مراد نزلت من السيارة النقل وركبت تا**ي إلى المستشفى ثم نزلت من جهة لحجرة الدكتور عادل . - اهلا اهلا .. عاش من شافك يا آنسة لينا - ههههه ده ترحيب ولا تبكيت - شفت مراد اكتر من مرة لكن حضرتك مش موجودة ومش معبرانا خالص - لا ما تقولش كده يا دكتور عادل - ما تقولش كده يا دكتور عادل هههه - أنت اتعلمت من بابا استا ولوا - المهم أن معنى أنك جيتي أن في حاجة مهمه - اه فعلا - خير - أنا مش عارفة مالي اليومين دول مش متزنة - ازاي يعني - مش عارفة بجد حاسة باحتراق ذهني - ههههه بتعجبني تعبيراتك جدا - بجد مش بهزر - عشان البنت اللي شفتيها - أنا كنت متأكدة اني شفتها - وبعدين - مش عارفة .. بقيت شكة أنه كان خيال مش حقيقة - ليه حسيتي بكدة - مش عارفة حقيقي مش عارفة - أنا أول مرة أشوفك كده من ساعة ما سيبتي المستشفى - فعلا .. أصل البنت ماتت تبقى ازاي صحيت تاني ده مش منطقي - فعلا - لكن في نفس الوقت ازاي اتنين يتخيلوا نفس الحاجة في نفس الوقت - مجرد انك بتفكري ده شيء كويس - ده شيء يجنن مش شيء كويس - لا كويس - المهم دلوقتي تفكر معايه وتفهمني أيه اللي بيحصل أنا متلخبطة - ما هي المشكلة اني محتار زيك - حتى انت محتار يا دكتور أمال اروح لمين - أصل في كلام بتقوليه بحس أن عندك هلاوس وخيالات - هلاوس يعني أنا اتجننت - قلنا مفيش حاجة اسمها اتجننت - أمال يعني ايه - في حالات اكتئاب اسمها اكتئاب ذهاني زي اللي عند مراد - مراد .. لكن مراد كويس - هو حالته اتحسنت كتير - وانا عندي ايه - أنتي اكتر حالة حيرتني - ازاي يعني - ساعات بحس انك مش ممكن تجيلك أمراض نفسية أصلا - ليه يعني - أصلك قوية .. - ههههه أنت مخدوع فيا على فكرة - ما هو ساعات بشك انك انتي كمان عندك اكتئاب ذهاني - طبعا اهم اعراضه الخيالات والهلاوس - فعلا - طيب السؤال هل طبيعي أن اتنين يتخيلوا نفس الحاجة في نفس الوقت - مجرد السؤال ده بيخليني احس انك اعقل مني - هههههه مش ل الدرجادي أنا بفكر بالمنطق - تمام اهو المنطق ده هو اللي مجنني - أنت مجاوبتش على السؤال - شوفي احيانا لما الإنسان يكون قريب من شخص معين وكمان يكون تحت ضغط معين ممكن يصدق خيال وهلاوس الشخص ده ويتخيلها - يعني ممكن فعلا - ممكن - تمام كده أنت أكدت الشك اللي جوايا - احنا لسه مقررناش انتهت المقابلة بينها وبين الدكتور عادل بعد أن أعطاها بعض الأدوية وطلب منها المواظبة علي تعاطيها وان ترتاح في بيتها لمدة يومين . ذهبت ل البيت وطرقت الباب فتحت لها امها دخلت صامته شارده لم تنبس بحرف وتوجهت إلى سريرها مباشرة رجع عشماوي ومعه زين أيضا في حالة مشابهة لحالة لينا جلسوا على الطعام صامتين ورفضت لينا الطعام فصرخت فيها أمها - مالك يا بت - مفيش يا ماما - قومي كلي وتحكيلي واحنا بناكل - يا ماما مفيش حاجة - عارفة لو مقومتيش تاكلي أنتي حرة - هقوم يا ماما قامت لينا من السرير وذهبت تجلس معهم ل الطعام - عشماوي أبقى قول ل بابا استا ولوا أن الدكتور عادل قالي اني محتاجة راحة يومين - راحة يومين .. مالك يا بت - كويسه يا ماما ما تقلقيش أنا كويسه - أمال الدكتور عادل مد*كي أجازة يومين ليه وعايزك ترتاحي في البيت - حس اني مرهقة بس شوية ومحتاجة انام كويس - انتوا من ساعة ما اشتغلتوا الشغلانه دي ما بقتوش ولادي اللي انا اعرفهم - ما لنا بس يا ماما . - ما لنا بس يا ماما . بقى أنت زين اللي الضحكة مكانتش بتفارق وشك مهما حصل - ما تخافيش علينا يا ست الحبايب احنا بخير ما تقلقيش - أنا عايزة ازور الخواجة استا ولوا والأستاذ مراد - تزوريهم ليه - مش الأستاذ مراد كان تعبان واجب نطمن عليه - خليكي معايه طيب لما أخلص الاجازة واجي رايحة ابقي تعالي معايا - صحيح لازم استنى معاكي لما اشوف اخرتها

Free reading for new users

Scan code to download app

App Store Google Play

Facebookexpand_more