حلقة 16 فلاش باك

2178 Words

جلست لينا مع امها جلستهم المفضلة بالبلكونة يشربون النسكافيه - النسكافيه بتاعكوا ده ما بيكيفني ش - اعملك قهوة يا ماما - لا شوية كده - كويس عشان اشرب معاكي - مالك يا لينا ، أنا بعد ما كنت فرحانة انك لقيتي شغلانة كويسة أنتي وأخواتك لقيت حالكوا انقلب كلكوا حتى أخواتك حالهم انقلب - يا ماما صدقيني مفيش حاجة كل الحكاية أن الدنيا ملخبطة شوية اليومين دول في المزرعة - ملخبطة ازاي يعني - ابدا الشغل ملخبط كده وفي واحد ظهر عايز يشاركهم في الشغل بالعافية - ازاي بالعافية يعني - عرف أن عندنا منافذ بيع وبتحقق نسبة مبيعات كويسة - يا ساتر يا رب أيه الناس دي دا عينه مدورة - أه فعلا عينه عايزة تتقلع - طب والدكتور عادل قالك تاخدي إجازة من الشغل ليه - عشان انا مرهقة أووي اليومين دول من الشغل - كنتي بترجعي كأنك جاية من رحلة بقيتي ترجعي مطفية - أنا كويسة يا ماما بس اي حد بيجي عليه وقت بيفصل - وماله يا حبيبتي افصلي وريحي وارجعي اشحني تاني - ههههه ماشي يا حبيبتي اديني قاعدة معاكي يومين وحشتني القاعدة معاكي - أنا كمان وحشتني القاعدة معاكي - هو الأستاذ مراد أخباره ايه - كويس - هو صحيح مجنون - مفيش حاجة اسمها مجنون يا ماما - أصله غريب كدا - ربنا يكون في عونه - ربنا يعافيه يا بنتي . أنتي بتحبيه يا لينا - ايه يا ماما اللي بتقوليه ده - أنا أمك يا بت أنا اللي بايضاكي - ههههه هو أنتي بتبيضي - هههه اه وحياة امك ببيض عشان افقسك - أنتي عارفة أن ماليش في الحب ولا الكلام الفاضي ده - ههههه متأكده - اه متأكده مر اليومان وذهبت لينا إلى عملها بالمزرعة وذهبت اولا إلى بابا استا ولوا كي تطمئن عليه . - أذيك يا بابا استا ولوا وحشتني - أنتي اللي وحشتيني فينك - دكتور عادل قال لازم أخد إجازة - ليه بس ايه اللي حصل - كنت محتاجة فعلا لأجازة أتى مراد مسرعا متجها نحوها - أذيك ، أخبارك ايه - الحمد لله - ليه سيبتينا كل الوقت ده - دكتور عادل قال لازم أخد إجازة - اه ما هو قالي ، المهم انتي احسن دلوقتي - الحمد لله في نعمه أنتوا أخبار كوا ايه - المزرعة ناقصها كتير من غيرك - اه فعلا المزرعة كانت زعلانه أووي من غيرك - هههه ماشي يا بابا استا ولوا المهم الشغل واحشني أوي فجأة ظهرت ، ظهرت وكأنها جاءت لتعيد كل الماضي من جديد وقفت أمامهم بكل برود - صباح الخير - أنتي أيه اللي جابك هنا - ارجوك يا بابا استا ولوا تهديه - أهديه امشي يا بت من هنا بدل ما اخلي العمال يرمو كي بره - أرجوك تسمعني - مش كفاية انك قتلتي بنتي ليكي عين تيجي لغاية هنا - أسمعني يا مراد احنا الاتنين ما لناش غير بعض - عارفة لو مغورتيش من وشي هقتلك زي ما قتلتي بنتي - يا مراد فكر شوية مين تتجوز واحد لسه خارج من العباسية لكن أنا عشان بحبك - اخرصي ، البركة فيكي انتي اللي دخلتيه المستشفى بغدرك وخيانتك - ما تظلمنيش يا بابا استا ولوا - عشان اطمنك عليا أنا لقيت اللي ترضى تتجوز واحد مجنون لسه خارج من مستشفى المجانين واتجه نحو لينا وأمسك بيديها وقبلها ، رمقة لينا بنظرة فاحصة ثم انفجرت - دي .. هي دي اللي هتتجوزها - أحترمي نفسك وأمشي من هنا - ماشي يا مراد أنا همشي لكن راجعا لك - غوري مصيبة تشيلك أنا عارف انت كنت متجوز البجحة دي ازاي - غ*ي . تقول ايه بقى ، كنت أعمى وما فتحتش غير لما حصلتلي كل مصائب الدنيا - قلتلك وحذرتك - أنا هروح اشوف الشغل في المصنع يا بابا استا ولوا - يا ريت لما اجي ما الاقيش العمال والمهندس سامح ملمومين حواليكي - يعني ايه ملمومين حواليا احنا بنتكلم في الشغل - عموما اسبقيني وانا هاجي وراكي نتابع الشغل مع بعض تركتهم ورحلت رمقه بابا استا ولوا بنظرة ذات مغذى ثم قال له - لما انت غيران عليها وبتحبها كده ما تتلم وتتجوزها - ما هو مفيش قدامي حل تاني - حل لايه بالظبط - حل ل الأندال اللي ظهروا تاني في حياتي - أنا بقولك اتجوزها عشانك انت . عشان تبدأ حياة جديدة وتعمل بيت وتجيب اولاد وتلاقي حد يعوضك اللي شفته - خايف - خايف من ايه - خايف دلوقتي اكتر من الاول - ليه كل ده - لو مازن حاول معاها وما قدرتش تقاومه المرة دي ممكن اموت - بطل هبل لينا حاجة وچرمينال حاجة - هو عارف ازاي يستغل نقط ضعف أي علاقة - يا ما حذرتك منه فاكر - فاكر وبدأ بابا استا ولوا يذكره ويحكي له ما كان منذ بداية علاقته بمازن وتذكر مراد ومرت الأحداث أمام عينيه وكأنها تحدث الان - ههههه ايه يا مازن مش قلنا هتبقى روحنا رياضية وما حدش يزعل - ايه يا مراد أنت مش عاتق ولا بنت في الجامعة كلها - أنا والله ما قربت ل رودينا خالص هي اللي جات لي - طيب وچارمينال - لا چارمينال احنا اصحاب من الاول وانت عارف - وانت عارف اني بحب رودينا مش مجرد أصحاب ومع ذلك برضوا ما بعدتش عنها - والله ما قربت منها - ولا بعدت عنها يا مراد - خلاص يا مازن لو كلمتني هقولها مازن بيحبك - أوعى تقولها كده - ليه يا بني أنت مش عايز تقرب منها بتلومها ليه أنها مش معبراك وانت ملمحتلهاش بأي حاجة - قلتلك خرج نفسك من الموضوع ده سمع حوارهم بابا استا ولوا فاتى يجلس معهم - أذيك يا مازن - أذيك يا بابا استا ولوا - احضرنا يا بابا أستا ولوا - خلاص بقى يا مراد - من غير ما تحكي أنا سمعت كل حاجة - يا واد يا مازن لازم تروح تقول ل البت اللي بتحبها انك بتحبها سمعت والا هتندم طول عمرك - أنا همشي احسن تركهم ورحل فقال بابا استا ولوا لمراد - خلي بالك من الواد ده - واد مين - مازن هيكون مين - دا صاحبي من ثانوي - وبيغير منك من ثانوي - بيغير مني ليه يعني - يا بني دا دخل كلية زراعة عشان انت دخلتها مع انه جايب مجموع اعلى منك - وكده يبقى بيغير مني دا عشان نفضل مع بعض يا بابا استا ولوا - لا عشان يعمل زيك وخلاص - ويعمل زيي ليه - عشان بيغير منك لو قتلت نفسك هيقتل نفسه عشان بس يعمل زيك حتى لو اللي بتعمله غلط - مش معقول يا بابا استا ولوا - أنت حر اتفلق - ههههه ماشي يا بابا استا ولوا فجأة هزه بابا استا ولوا - مراد . مراد رحت لغاية فين - افتكرت - افتكرت ايه - افتكرت كل حاجة أنت معاك حق فعلا طول عمره بيغير مني وبيبص لكل حاجة في ايدي - من ساعة البت بتاعة الجامعة وانا عارف أنه هيعمل فيك كده - مكانتش مراته . غير اني محاولتش معاها وهو اللي سابها وما اتجوزهاش - المهم انك عرفت مين عدوك ومين حبيبك - عرفت بعد فوات الاوان - المهم اسمع كلامي وأبدأ من جديد واتجوز لينا صدقني بت جدعه وبنت أصل وها**ه زيك - طيب يا بابا استا ولوا متشكرين - ههههه مش بشتمك بوصفك - لكن شكلي لازم اتجوزها ، لازم يحسوا أني ما اتهزمتش واني ممكن أبدأ من جديد عادي - مش مهم هما ، المهم أنت تبدأ من جديد عشان نفسك - ما شفتش الخاينة الرخيصة اللي بتقولي محدش هيرضى بيك غيري - عشان كده وريتها أن لينا راضية بيك - مكانش قدامي حل تاني - روحلها المصنع زي ما قلتلها واطلب أيدها - هروح لكن لازم نتكلم الاول ونتفق - روح ربنا يهد*ك - سلام أنا رايحلها ورحل مراد وترك بابا استا ولوا وحيدا يفكر وتوجه إلى مصنع اللحوم كي يتحدث مع لينا فوجدها تقف مع المهندس سامح فجن جنونه . - خير يا باش مهندس سامح ايه اخبار الشغل - تمام يا باش مهندس مراد - اتفضلي معايه يا استاذة لينا - على فين يا باش مهندس - على المكتب في حاجات تخص منافذ البيع عايزين نجهزها - تمام . اتفضل يا باش مهندس - لا طبعا النساء اولا اتفضلي - چنتل مان من يومك الحقيقة توجهوا ل المكتب جلسوا سويا فبدأ مراد حديثه - متشكر انك وقفتي جمبي ل المرة التانية - ولا شكر ولا حاجة أنا عملت اللي حسيت اني عايزة اعمله - ليه حسيتي كده - اعتبرها انسانيه - شفقة يعني - أنا مقلتش كده - أنتي ساعدتني في حكاية ما تعرفيش عنها حاجة ومش عارفة ابعادها كويس من حقك تعرفي التفاصيل - مش من حقي ولا حاجة أنا مش عايزة اعرف - لكن أنا عايزك تعرفي - ممكن نخرج من المصنع نروح اي مكان - أي مكان ازاي يعني - نروح عند الغزلان مثلا مكان هادئ محدش هيقا طعنا لأني عايز احكي معاكي كتير وافقت لينا واتجهت معه ناحية الغزلان حيث يقتلها الفضول لما يريد مراد أن يحكيه بالتفاصيل . - اديني جيت معاك خير - اقعدي من فضلك جلست لينا وجلس بجوارها على كرسي خشبي عريض تحت شجرة وانصتت له باهتمام شديد . وهو يحكي وكان الماضي يمر أمام عينيه وكأنه شريط سينما وتذكر كل شئ وكأنه يحدث الان - ايه يا مراد كل يوم ترجع متأخر وسايبني في بيت الأشباح ده لوحدي - ههههه ده بيت أشباح بزمتك - اه بيت أشباح طبعا المكان هنا مريب - أنتي مش لوحدك بابا استا ولوا موجود معاكي وريتا - أمك وجدك ما بيطيقونيش ولا انا بطيقهم - ههههه حد يقول كده بزمتك عموما هما حسوا بكده وقرروا السفر - احسن برضوا - مش بتقولي بتخافي تقعدي لوحدك - اه لكن عايزاك انت عايزة جوزي جمبي مش أمه وجده - يا چارمينال يا حبيبتي لازم تعرفي أني بعمل كل ده عشانك أنتي وبنتي - تسيبني طول اليوم كده عشاني أنا وبنتك - أنا بعمل زي اي راجل بخرج الصبح ارجع المغرب واقضي الليل كله معاكوا - بقولك ايه انت بترجع مقتول من التعب تلعب مع بنتك شويه وبعدين بتنام - مش كل يوم اسيبك وانام يعني ولا انتي بتاكلي وتنكري - بقولك ايه بقى أنا حلوه وصغيرة وبخاف على نفسي من الف*نة - ف*نة . ايه الكلام اللي بتقوليه ده في واحده بنت ناس تقول كلام زي ده - عشان انا بنت ناس بقولك الحقيقة ما بخدعكش - طيب انا هحاول بعد كده ارجع بدري شوية ما دمتي بتخافي تقعدي لوحدك - صدقني بقيت اشوف حاجات غريبة أنا بشك أن المزرعة دي فيها أشباح - ايه الكلام الفارغ اللي بتقوليه ده - والله بتكلم جد قلبي بيتقبض لما بقعد هنا والدنيا ضلمة - لا خلاص هرجع بدري مبسوطة - مبسوطة يا حبيبي - فين چيليانا - نايمه في اوضتها - طيب تعالي ننام احنا كمان - تعالى يا روحي ومرت الايام وكان من الصعب على مراد أن يفي بوعده ويعود كل يوم في الميعاد الذي اتفق معها عليه وفي نفس الوقت كان مازن كثير الزيارات لهم ويسهر معهم كثيرا . - ايه يا مازن مش ناوي تتجوز - لما الاقي واحدة في جمال چرمينال وانوثتها - أنت بتعا** مراتي وانا قاعد ولا ايه - عيب عليك انت اخويا - سيبت رودينا تضيع من ايدك ليه يا ابني أنت - الله يجازي اللي كان السبب بقى - أوعى يكون قصدك أنا لاني فعلا ما ليش دعوه - لا دي اتجوزت واحد جارهم بيحبها من زمان وهي كمان شكلها بتحبه - الدنيا ما أنتهتش أبدأ من جديد ودور على واحدة بنت حلال - أن شاء الله قريب بس اللي في بالي يتم كانت چرمينال أنانية زوجة وأم مهملة لا تعرف الحب الا لنفسها لا تهتم بأبنتها مطلقا تتركها طوال الوقت ل المرضعة التي أحضرها لها مراد حيث رفضت أن ترضع ابنتها خوفا على صحتها وجمالها . وذات يوم اتصلت المربية بمراد - الحقني يا سي مراد - خير البنت فيها ايه - تعبانه أووي لازم تروح ل الحكيم ترك مراد عمله وعاد إلى البيت فورا فلم يجد چر مينال فذهب إلى المربية وحمل ابنته على كتفه وخرج إلى السيارة متوجها إلى الطبيب فورا . - خير يا دكتور - اعمل الأشعة والتحاليل دول وتيجي بعد يومين عشان نشخص حالتها صح والأدوية دي تاخدها بانتظام لغاية ما تيجي تركه مراد وخرج وقلبه منقبض خوفا على ابنته فلذة كبده حيث أصبحت هي الحياة ذاتها منذ أتت ل الدنيا هي أقرب له من أمها وتحبه أكثر من أمها لفرط حبه واهتمامه بها . حملها وعاد إلى سيارته متوجها إلى مراكز الأشعة والتحاليل ثم توجه إلى بيته بالمزرعة وبعد أن دخل وجد زوجته تفتح الباب وتدخل بعده . - كنتي فين يا هانم - كنت في النادي - سايبة بنت عمرها سنه وشهور لوحدها في البيت ورايحة النادي - أنا زهقت من العيشة دي زهقت من السجن ده هو في حد يعيش في الصحرة اللي احنا عايشين فيها دي - بنتك تعبانه يا هانم - مالها - بلف بيها من بدري ع الدكاترة والأشعة والتحاليل - وعملتهم - طبعا - عندها ايه - لسه هنعرف بعد يومين ممكن تخلي بالك منها اعتبريها زي بنتك - بتتريق حضرتك - الأدوية دي مواعيدها مكتوبة خلي بالك منها سهر مراد طوال الليل بجوار ابنته أما چرمينال فنامت في غرفتها وكأن شئ لم يحدث . ومر اليومان وذهب مراد بابنته ليأخذ نتائج التحاليل وتقارير الأشعة وذهبت معه چرمينال واخذوا النتائج والتقارير وتوجهوا ل الطبيب . فحص الطبيب التحاليل والأشعة و**ت ولم يتحدث . - خير يا دكتور طمنا - ل الاسف كان بودي اطم نكوا - قلقتني يا دكتور من فضلك فهمني - ل الاسف عندها كانسر - ايه . أنت بتقول ايه - لكن الحالة لسه في بدايتها و ممكن تتعالج وتبقى كويسة حالات كتيرة كانت كده وربنا شفاهم وبقوا في أحسن حال . - - -

Free reading for new users

Scan code to download app

App Store Google Play

Facebookexpand_more