الحلقة ٦ وحان اللقاء

1112 Words

الدكتور عادل يطمئن على لينا - أذيك يا حجة - الحمد لله يا بني ربنا يباركلك - تسلمي يا حجة ربنا يخليكي لينا - بقولك يا ابني - نعم يا امي - أنا شايفة لينا الله اكبر ربنا شفاها وبقت زي الفل ما تخرج بقى تروح معاية - ههههه لسه بدري يا حجة متستعجليش - اللي تشوفه يابني انتهت الزيارة ودخلت لينا لغرفتها وبعد برهه رأت شبح الرجل العجوز الذي رأته من قبل وقف في الممر أمام شباك غرفتها يبتسم لها بحنان وهي تتعجب منه يعاملها وكأن بينهم سابق معرفة ، ترى هل يعرفها حقا . دخل الدكتور عادل يطمئن عليها ويعرف رأيها في حضور جلسة العلاج ا****عي فوجدها مضطربة فسألها - أيه يا لينا مالك - في راجل عجوز لابس بدله موديلها قديم اووي لكن شيك وبرنيطة لبسه أوروبي شويه وماسك عكاز شفته أكتر من مرة - شفتيه فين بالضبط - في الطرقة عند شباك الأوضه هنا - هنا في المستشفى - وفي المستشفى التانية كمان - المستشفى التانية بدأ يشك الدكتور عادل أن لينا تعاني اعراض اكتئاب ذهاني حيث تعاني من هلاوس بصريه وربما سمعيه أيضا - ما قلتليش هتيجي جلسة العلاج ا****عي ولا لا - هههههه اخيرا اعترفت - ما ينفعش اخبي عنك حاجة بعد كدة أنتي ذكية زيادة عن اللازم وبتكشفيني - هي سماح عندها أيه يا دكتور - عندها حالة يأس من الدنيا ، هروب قررت تموت وهي لسه على قيد الحياة - حياتها كانت قاسية ل ل للدرجادي - الحياة عموما قاسية على كل الناس وأحنا اللي بنختار يا تهزمنا يا نهزمها - نهزمها - اه نهزمها ، قدامك حل من اتنين يا تكوني زي سماح يا تتغلبي على مشاكلك - اتغلب عليها ازاي يعني - تواجهيها يا لينا .. واجهي ما تهربيش زي سماح - بحاول لكن صدقني صعب - عارف أنه صعب وهو ده الامتحان اللي لازم تنجحي فيه - أنا مش عايزة أخرج من هنا يا دكتور عايزة أعيش هنا على طول - هو ده الهروب اللي بقول عليه - مش هقدر اعيش مع البني أدمين دول تاني الدنيا وحشة أووي يا دكتور - عارف لكن الصح أننا نواجهها ، واول مواجهة انك تحضري جلسة العلاج - هفكر - مش هضغط عليكي لكن انا متأكد أن التجربة هتعجبك مر الوقت وجاء موعد جلسة العلاج ا****عي التي أخبرها بها فقررت الحضور وبالفعل اجتمعوا جميعا هي والدكتور عادل وعدد من المرضى فبدأ الدكتور يشعرها بالألفة - احب اعرفكم بالعضوه الجديدة في شلتنا السعيدة لينا فبدأوا يرحبون بها ويهللون ويمزحون معها - لينا ولا ليكوا ههههه - ايه الخفة دي - ههههه أنتي زعلتي أنا بهزر معاكي - لينا أنا مسعود يا حبيبتي - أيه الألش القديم ده - هههه ما تزعليش بكرة تعرفي أننا كلنا أصحاب وبنحب نهزر ونعمل في بعض مقالب وبنحب بعض أووي بكرة تبقى واحدة مننا وتتعودي علينا أنا سوسن يا لينا - مبسوطة اني معاكوا - واحنا كمان مبسوطين لاحظت لينا أن الجميع يتحدثون ألا شخص واحد يجلس صامتا حزينا شاردا غير منتبه لا ينبس ببنت شفه كث اللحية وشعره طويل وغير مهندم وملامحه غير مألوفة بالرغم من كل ذلك يبدوا وسيما . بدأ الدكتور عادل يسألهم - حد يحب يحكيلنا أي حاجة قديمة أو جديدة تعباه يشركنا معاه في ألمه أو فرحه أو يحكلنا مشكلة نحلها مع بعض ردت سوسن - أنا عندي مشكلة هنا يا دكتور - أيه هي يا سوسن - التومارجيه والعمال بتوع المستشفى بيتعاملوا مع القطط والكلاب بوحشية فظيعة ميعادا عم كامل - أشمعنى عم كامل يعني - من يومين كان في كلب صغنون بيهوهو خرجت ابص من الشباك عليه لقيت كلاب كتير كبيرة ملمومه عليه بتض*به جه عم كامل أنقذ الكلب الصغنن من أيد الكلاب الكبيرة المتوحشين وطردهم بره الجنينة وساب الكلب الصغنن - - هههههه دي حكاية لطيفة أننا نبدأ بيها قعدتنا مع بعض - بتضحك على أيه يا دكتور عادل أنت وهما - مبسوطين من بطولة عم كامل في أنقاظ الكلب الصغير من ايدين الكلاب الكبيرة - أنا غلطانة اني اتكلمت معاكوا أصلا - وانتي يا حميدة معندكيش حكاية تحكيها - ديدي يا دكتور أيه حميدة دي - ماشي يا ديدي - أنا عايز اغني يا دكتور عادل - غني يا عبد العزيز خلينا نروق شوية بدأ عبد العزيز يغني بصوت عذب وإحساس عالي - عجيب حبك بيات ساكن في روحي في كل تكويني و بشتاق لك صحيح لكن ولا عمرك وحشتيني و أقول بتوحشيني أزاي و صورتك نن في عيوني هتف الجميع - الله الله قالت لينا بأعجاب - دا صوتك بديع بجد ممتع وأحساسك حلو أوي - أمال أنتي فاكرة ايه احنا هنا عندنا مواهب كتير وحقيقية - أنتي أيه موهبتك صحيح يا لينا - ما ت**فنيش بقى يا دكتور عادل - أيه اللي ي**ف في كده بجد قولي - زمان كنت بعرف ارسم زي ما قلتلك لكن دلوقتي خلاص - اكيد في موهبة تانية - كنت بكتب - واو بجد - ما ت**فنيش بقى يا عبد العزيز - بتكتبي ايه بالضبط - كنت يا دكتور عادل دلوقتي خلاص - شكلك كنتي بتكتبي شعر - شعر مره واحده يا سوسن - قولي لنا حاجة بجد - صدقوني نسيت - افتكري أخر حاجة كتبتيها يا لينا - نسيت يا دكتور عادل - ركزي شويه وافتكري وقولي من غير خجل أو خوف - هحاول **توا برهه ينتظروها حتى تتذكر - أنا هقول حاجة بس محدش يتريق عشان اسمها نكدية - نكدية ههههه - شوفت مش هقول - بس يا جماعه من فضلكوا ، اتفضلي يا لينا أخذت لينا نفس عميق واستجمعت قواها وذاكرتها بدأت وهي مترددة ثم اندمجت وأدت بأحساس عالي - نكديه لأني رقيقة حساسة بشيل الهم بزيادة وبوجع قلبي كالعادة على كل قريب وبعيد يقولوا عليا نكديه أفكر في كل شيء في الكون ونفسي أصلح مكان ما بكون يقولوا بطلي دا جنون هتعملي فيها أستاذة ويقولوا عليا نكديه شايله هموم من صغري عشان ماشية كده دوغري لا احب الف أنا ولا أدور ليا دماغ لوحديا يقولوا عليا نكدية ومين فرحني و ما فرحتش ومين رياحني وما أرتحتش ومين دعمني وما نجحتش عايشه وحيده منسيه يقولوا عليا نكديه ودائما شايله فوق طاقتي ودائما جايه على راحتي ومضغوطة ومكبوته ويقولوا عليا نكديه يا عم اللي يقول مايقول أنا قوية و عندي إرادة فولاذية صفقوا جميعا تصفيق حاد وتأثروا جدا حتى الشخص الغريب انتبه لها وشعرت بتأثره وهللوا جميعا - - الله ..الله - - دا أنتي شاعرة كبيرة - - هههه مش ل للدرجادي يا دكتور عادل - - لا ل للدرجادي وأكتر - - أنا يا دوب غفيرة الشعراء هههه - ضحكوا جميعا وكانوا مستمتعين جدا بيومهم وفي نهاية اليوم قال لها الدكتور عادل - - صدقتيني لما قلتلك أنها حفلة - - هههه فعلا هي حفلة ممتعة انتهت السهرة وذهب كل منهم يخلد ل النوم ولينا تشعر أنها كانت تحتاج بالفعل ليوم كهذا ول بشر مختلفين عن الذين اعتادت عليهم شعرت أنها يجب أن تشكر الدكتور عادل لأنه أصر أن تكون موجوده ولكن في نفس الوقت لم يفارق خيالها طيف ذلك الرجل الغريب الصامت الشارد الذي لم تعرف عنه شيء .

Free reading for new users

Scan code to download app

App Store Google Play

Facebookexpand_more