الحلقة5. مستشفى المجانين

1563 Words

تركتهم وتوجهت إلى قسم الحسابات - لو سمحتي يا بنتي قالو لي عاي زينك في الحسابات - حضرتك تبع الحالة اللي في غرفة ٥٢ - اه يا بنتي لينا مسعود - خلاص يا حجة في واحد دفع الحساب - واحد مين يا بنتي - فاعل خير - نعم ليه هو حد قاله أننا محتاجين أحنا مستورين و الحمد لله - هو أختار كام حالة و دفع لهم - و دفع لنا كام - خمس ألاف جنيه - يا لهوي ليه كل ده - ما هو دفع يومين كمان - يومين بحالهم كل الفلوس دي ليومين - هو النظام هنا كده يا حجه - و مين بقى فاعل خير ده - رافض حد يعرف هو مين تركتها أم لينا وذهبت لبيتها مع عشماوي وزين دون أن تبيت مع ابنتها كما تريد وباتت ليلتها وقلبها يتمزق قلقا على ابنتها و لم تنم طوال الليل حتى استيقظت في الصباح الباكر وذهبت إلى المستشفى وحاولت الدخول لكن الأمن منعها لأن موعد الزيارة لم يأتي بعد فظلت تجلس في الاستراحة أمام باب المستشفى حتى سمحوا لها بالدخول بعد محاولات عديدة - والنبي يا دكتور طمني هي عاملة ايه دلوقتي - هي فاقت يا حجة - والنبي صحيح - أتفضلي أدخليلها لكن من فضلك بلاش انفعال - حاضر يا دكتور دخلت ام لينا لتراها شارده تنظر ألي السراب ولا تنتبه لأحد - عامله أيه النهاردة يا لينا ، هي مالها يا دكتور - ده أمر طبيعي يا حجة متقلقيش - مقلقش أزاي بس هي كده فاقت مهي لسه في غيبوبة أهيه - متخافيش يا حاجة هي هتبقى كويسه أن شاء الله المهم محدش يزعجها - يعني هي مش هتاكل ولا تشرب - أحنا علقنالها محلول متقلقيش - محلول .... مقلقش - خرجت مصدومة من ما رأت ولم تعرف ماذا تفعل ولا تعرف من أين لها بالأموال التي ستكفي علاج أبنتها في هذه المستشفى الاستثماري التي تتكلف الكثير - لو سمحتي يا حجة - نعم يا دكتور - كنت عايز أكلم حضرتك في موضوع مهم - خير يا بني - المفروض بنت حضرتك تخرج من هنا بكره وزى ما انت شايفه حالتها لسه محتاجه علاج - طب والعمل يا ابني - تتنقل مستشفى حكومة - حكومة - اه مستشفى العباسية ل الامراض النفسية والعصبية - يا لهوي ليه هي البت اتجننت - يا حجة مفيش حاجة اسمها اتجننت هي تعبانة شوية وهتتعافى وتبقى احسن من أي حد المرض النفسي مرض زي أي مرض ، الجهل ده أنتهى من زمان - يا ابني هي عندها ايه بالضبط - عندها اكتئاب شديد شويه يا حجه محتاج علاج ورعاية - يعني ادخلها مستشفى المجانين بأيدي يا ابني - يا حجة قلنا مفيش حاجة اسمها مجانين - الناس تقول علينا ايه ومين هيرضى يتجوزها دي حالها واقف من غير حاجه - جواز ايه يا حجه دلوقتي احنا في حالتها دي وبعدين ناس ايه اللي بتتكلمي عنهم أنتي يهمك الناس ولا بنتك - يهمني بنتي طبعا لكن دي بنت والناس ما بتسيبش حد في حاله - خلاص ما تقوليش لحد هي فين اللي يسألك تعبانه وفي المستشفى والدكتور مانع الزيارة كويس كده - يعني اوديها تقعد مع المجانين - يا حجة أطمني هي مش هتطول أن شاء الله - يعني هتقعد أد ايه كدا - قولي يا. رب هو الشافي وبعدين ما تقلقيش أنا هتابعها هناك بنفسي - هو أنت بتشتغل هناك يا ابني - اه يا حجه اطمني بقى هخلي. بالي. منها - ربنا يباركلك يا ابني بس اوعى تمنعني أشوفها والنبي - لا هتشوفيها لكن لوحدك مفيش داعي ناس كتير تزورها - معاك حق يا أبني تركته وذهبت لابنتها جلست بجوارها تصلي وتقرأ القرآن وتدعوا لها بالشفاء وتنظر لحالها و تتعجب ما الذي أدى بها ألي هذا المصير ، وحين انتهى موعد الزيارة أتى أليها الطبيب - بكرة أن شاء الله في العباسية يا حاجة مش هنا - العباسية .. ماشي يا ابني - مع السلامة يا حجة - الله يسلمك من كل شر خرجت ام لينا من المستشفى وهي حائرة في أمرها ولكن ليس لديها خيار أخر وفي اليوم التالي تم نقل بعض الحالات من قسم الامراض النفسية والعصبية بالمستشفى إلى مستشفى الامراض النفسية والعصبية بالعباسية وتم نقلهم بسيارات. إسعاف وبدأت لينا رحلة علاجها وأمها تزورها كل يوم وحدها دون ملل أو كلل . تمددت لينا على سريرها مفتوحة العينين في الظلام ظهر فجأة أمام عينيها وراء شباك غرفتها عجوز يرتدي بدله وبرنيطة أوروبية ويمسك بعصا في يديه يتوكأ عليها وقف أمامها خلف الشباك وعينيها ترنو إلى عينيه وبالرغم أنه غريب لكنها رأت في عينيه نظرة حنان أثرت فيها بشكل غير عادي ، لم تكن هذه هي المرة الأولى التي ترى فيها لينا هذا العجوز بل رأته أيضا في المستشفى التي نقلت منها إلى هنا وتكرر الأمر يوميا تقريبا . دخل الطبيب إلى لينا ليطمئن عليها ويحاول أن يصل إلى السبب الحقيقي وراء الحالة التي وصلت لها . - أذيك يا لينا أخبارك أيه النهاردة لم ترد - أنا الدكتور عادل المفروض أني أنا اللي هعالجك لكن ياريت نكون أصدقاء لم ترد أيضا - يا لينا أنا عارف كويس أنك ساكته بأراداتك وعارف أنك كويسه أنت عندك رفض ل الحياة وعارف أنك أتعرض تي لضغوط شديدة لكن كمان عارف انك قوية و ما بتت**ريش بسهولة أعطاها ورقة بيضاء كبيرة و قلم رصاص - طيب ما تتكلميش أرسمي - كنت بعرف ارسم زمان دلوقتي ما بعرفش شعر بالأمل بعد أن ردت عليه وبدأت تستجيب ل الحوار معه - كنتي بتعرفي ترسمي كويس - اه - مين علمك الرسم - أنا كنت بشوف أي صورة مرسومه في كتب المدرسة واحاول امشي على الخطوات - كانت بتطلع حلوه - زميلي كانوا بيحلفوا أنى شفاها بالكربون محدش كان بيصدق أن ده رسمي - وكنتي بتحبي تعملي ايه كمان غير الرسم - كنت بحب القرايه - أخر كتاب قريتيه أمتى - زمان .. زمان أووي - طب اخر كتاب قريتيه كان أسمه أيه - الحب تحت المطر لنجيب محفوظ - أنتي رومانسية بقى - هي الرواية دي رومانسية - المفروض - لا مش رومانسية خالص بالرغم أنها تتحدث بصوت متحشرج ووهن الا أنها كانت منطلقة في الحوار وكأنها كانت تنتظر أن تتحدث مع شخص يساعدها أن تفهم نفسها وتعرف ما تريد ، رنا لها الدكتور عادل مندهشا - أمال أنتي بتشوفيها أزاي - أنا اشتريتها مخصوص عشان فكرتها رومانسية حزينة - وطلعت أيه - دي الرواية الوحيدة اللي قريتها مرتين - وأنتي بتقري كام مره - مره واحده بالعافية ما بصدق أخلص الرواية عشان اقرأ غيرها - لكن المثقفين بيقروا أي كتاب أو رواية اكتر من مرة - أنا ما كنتش بقرا ل الثقافة - أمال بتقري ليه - بقرا ل المتعة .. الخيال .. الحياة في عالم تاني عالم مختلف - كنتي بتتخيلي نفسك مكان البطلة - أكيد - ما قلتليش قريتي رواية الحب تحت المطر مرتين ليه - أول مره قريت كام صفحه ومليت وحسيت أنها تقيلة كده وبعدين قلت لازم أكملها عشان ما بحبش احكم على حاجة من غير ما اعرفها كويس للأخر - وبعدين - كملتها وحسيت باشمئزاز كده - وبعدين - بعد فترة طويلة - اد ايه كده يعني - حوالي سنتين ، لقيت الرواية قدامي قررت اقراها تاني - وبعدين - وأنا بقرا حاسه بمعاناه وده بيكون دائما مع كتابات نجيب محفوظ لأنه واقعي جدا وأنا بكره الواقع ع** خيال يوسف السباعي - بتحبي يوسف السباعي - جدا - أيه أكتر حاجة بتحبي تقريهاله - مجموعه قصصيه أسمها هذا هو الحب - لكن أنا بحب لنجيب محفوظ الروايات الفرعونية زي عبس الأقدار - قريتيها - أه - يعني الحب تحت المطر مش بتعجبك - لا عجبتني. لما خلصتها المرة الثانية عرفت ليه مكنتش حاباها - ليه - لأنه لما بيحكي عن الأبطال بيقول قال بأمتعاض قالت بأمتعاض الجو العام ل الروايه كده لما يوصلني الشعور ده أووي كده يبقى هو نجح يوصل المعنى والمضمون في العموم روايات نجيب محفوظ ما بتوصلش ال ***ة الكاملة غير وأنت بتقفل الرواية تحس أد أيه هو كاتب عظيم وتصدقه تصدق كل حرف قريته تحس أنه اكيد حصل حقيقي وهو شافه بعينيه و بيحكيه حتى الروايات التاريخية أنبهر الدكتور عادل من تحليلها لما تقرأه و فهم كم هي تتحد مع الرواية والأبطال والأحداث بدأ يشعر أنه أمام فتاة مختلفة ويجب أن يتعامل معها بشكل مختلف - أنا تعبتك أوي النهاردة نكمل بكرة مناقشة - أن شاء الله يا دكتور - خلي بالك من نفسك وحاولي ما تجهديش تفكيرك ، مع السلامة - مع السلامة مر اسبوع والدكتور عادل يقضي مع لينا أكثر من ساعة يوميا يتناقشوا في الادب والفن والروايات وهو لا يمل من حوارها وأصبح الأمر ليس ل علاجها بل أصبح هواية من هواياته وهي سعيدة أنها وجدت من يشاركها ميولها ولم يتحدثوا مطلقا عن أي شيء يخص أزمتها ولكن حالتها تتحسن نسبيا حتى أتى أليها الدكتور عادل ذات يوم يعرض عليها جلسات العلاج ا****عي - أيه رأيك أنا عامل حفلة ل المرضى بتوعي بنتجمع في جنينة المستشفى مع بعض مرة في الأسبوع يوم نسهر سوى يوم نبطشية البيات بتاعتي في المستشفى هنا - تقصد جلسة علاج جماعي أنبهر من ذكائها وحديثها المباشر - أنتي ذكية جدا على فكرة - هههه ليه عشان عرفت انها جلسة علاج ماهي بتيجي في الافلام دلوقتي - المهم أنا عايزك تبقى معانا - لا يا دكتور أنا أكتر حاجة عجباني هنا العزلة ، ومبسوطة انك اخترت الحالة اللي معايه ساكتة ما بتتكلمش نظروا إلى السرير المجاور حيث تتمدد سماح بجوارها صامته لا تنبس بحرف - قصدت اختار حالة هادئة عشان عارف انك محتاجة ل الراحة والهدوء - فعلا ، محتاج. أفصل . محتاجة ارتاح مش عايزة أحتك بحد - صدقيني مش هتندمي بس فكري لما يجي وقتها وقرري كانت أم لينا تزورها يوميا ولاحظت أن حالتها تحسنت كثيرا وأصبحت تتحدث معها بعد أن كانت صامته دائما - الله أكبر بقيتي زي الفل - الحمدلله يا ماما أنا كويسة أطمني - طب ما تخرجي معايه - مش عارفه هينفع ولا لا

Free reading for new users

Scan code to download app

App Store Google Play

Facebookexpand_more