البداية

الفصل الاول القصه دي بتتكلم عن البدايه البدايه هي الاساس ولكل حاجه بدايه الحب او الكره او الحزن او الفرح في القصه دي ها نشوف بدايه ل شاب اسمه ايهاب المحمدي هو شاب زي اي شاب فجأه يعدي في منطقه كلها ض*ب نار مش بالمعني الحرفي لا بالمعني المجازي بدايه الفصل ايهاب : ( انا شاب في ثانية كليه تجاره شكلي عادي قمحي وعريض مش تخين شبه اغلب الشباب في سنه ) جمال : (ابو ايهاب عنده حاجه وخمسين سنه موظف حكومه علي قده وساكن في بولاق ) حنان : (ام ايهاب ست زي أي ست مصريه عندها حاجه وخمسين سنه ست بيت) مروه: ( اخت ايهاب الصغيره اصغر من ايهاب في الثانويه العامه جميله جدا ) كنت راجع امبارح من الشغل ومرهق دخلت نمت وصحيت علي مروه اختي مروه : ايهاب يابوب اصحي انا : في ايه مروه : عندك كليه اصحي انا : لا مش رايح مروه : قوم يله بطل **ل انا : حاضر اطلعي وانا جي قومت دخلت الحمام اخد دش ورجعت تاني الاوضه البس ومروه دخلت عليا مروه : خود(بتديني سندوتشات افطر بيها علشان صحي بدري و نزل الشغل)افطر انا : تسلم يا قمر بقولك ايه (بشاور علي كيس) افتحيه مروه : (مسكت الكيس ولقت فيه قميص وبنطلون جنز وكوتشي) ايه ده انا : دول ليكي كول شهر وانتي طيبه مروه : انتا قبضت امبارح انا : ايوه موره : هو علي طول كده انا عندي لبس ملبستهوش انا : لا البسي براحتك خودي (اديتها الف جنيه كده من المرتب) المصروف خليهم معاكي مروه : علي فكره ده كتير جدا بجد انا : هو انا غريب ده انا اخوكي يله عايز البس وانزل لبست وطلعت من الاوضه لقيت مروه فرحانه جدا بالبس ده انا كونت بشتغل في مصنع ملابس كجول كل شهر من المرتب اجبلها طقم علي بعضه هو بيكون غالي بس انا بخده ارخص من الجمله اتعودت اعمل كده رغم اني الوضع المادي بتاعي كان وحش بس دي بنت في سن المراهقه خايف تعمل حاجه غلط علشان تجيب فلوس وانا بخاف عليها اوي الصراحه ركبت الميكروباص واصلت جامعه القاهره ودخلت جوه لقيت عماد صاحبي هناك عماد : (شاب صاحب ايهاب من بدايه اوله ثانوي وهما مع بعض ابوه متوفي عنده اختين بنات الكبيره سناء ودي عندها حاجه وثلاثون سنه وبتدير الشركه بتاعتهم في مجال الهندسه المعماريه والمقولات والصغيره منه معاهم في الكليه) ايه يابوب انا : ايه يابني مش ترن عليا اصحي الصبح عماد : انتا روحت امبارح متأخر قولت مش ها تصحي بدري ابدا وتقلنا امبارح منه : (اخت عماد اصغر منه بي سنه بس عماد اساس صقيت بنت كده زي القشطه جميله وظريف جدا وروحها مرحه) تقللتم في ايه ان شاء الله عماد : في السهر طبعاً ولا ايه انا : وله اه هات سيجاره عماد : خد منه : بلاش سجاير انا بتخنق انا : لا انا لسه ما فوقتش وعايز اشربها بي مزاج منه : (قامت) ماشي ياخويه مزاج مشيت منه وقاعت مع عماد عماد : انتا ليه ديقتها انا : مش عايز صداع من اختك كونتم مع مين وبتعمله ايه وازي مش عايز وجع دماغ عماد : طيب روان بتدور عليك وهاتعلقك انا : (شرقت وانا بشرب مايه من القزازه) ايه عماد : خلص الليله دي مع روان بدل الحورات دي علشان متخسرش انا : ياعم فكك منها انا هاعرف اخلص من الوش ده بقولك ايه انا هادخل المحاضره تيجي عمال : لا انا قاعد مش حاضر انا : ماشي سبت عماد و رحت المحاضره الدكتور عمل امتحان مفاجأ عليه أعمال السنه خلصت و طلعت بره لقيت منه جايه عليا منه : يا بوب انا : ايه يا منه منه : روان بتدور عليك اهي جايه علينا روان : (بنت معايا في الجامعه في علاقه بيني و بنها كنت بحبها شعرها قصير) صباح الخير يا ايهاب صباح الخير يا منه منه : صباح النور روان : فين عماد يا منه منه : مش عارفه روان : طيب بعد اذنك ممكن تشوفيه هو فين علشان عايزه منه : ماشي مشيت منه روان : إيهاب عايزه اكلمك انا : احنا اهو بنتكلم روان : طيب نتكلم لوحدنا احنا وسط الناس اتحرك معايا معلش انا : طيب اتحركت معاها لحد العربيه بتاعتها ركبنا روان : ايهاب انتا بتتهرب مني انا : لو بهرب منك مش هخاف و اقول عادي روان : طيب في ايه مش بترد عليا انا : انتي شايفه انه عادي اللي عملتيه روان : انا ذنبي ايه بابا هو الي اجبرني انا : اجبرك علي ايه ها انك تقعد معاه بصي يا روان اللي اجبرك عليه ابوكي ده واد في اكاديميه الشرطه و ابوه رجل أعمال كبير جدا بصي العلاقه دي كويسه جدا و من مستواكي وافقي عليا روان : بس انا بحبك انتا انا : بعد شهر خروج و فسح مع الواد جايه تقولي انك بتحبيني انا ههههههههههههه ضحكتيني بصي يا روان انتي ليكي في زمتي ساعه هديه و هيا الوحيده الي جبتيها ليا تخديها وكده نبقي زي ما دخلنا بالمعروف نخرج بالمعروف بلاش نجرح في بعض و انا بعتبر نفسي معزوم على الفرح بتاعكم انا صاحب العروسه سلام نزلت من العربيه و رحت الجنينه و قعدت فيها بفكر في حبي لي روان ازي كنت ع**ط كده ازي احب الهانم بنت المستشار بنت الحسب و النسب ازي انا كنت مغفل كده بس محدش بيتعلم ببلاش كله بيجري علي مصلحته و هيا مصلحتها معاه خلاص بقي زهقت من القعده و قولت اروح البيت وصلت لقيت ابويا جوه انا : ايه يا حج راجع بدري كده ابويا : تعبت شويه في الشغل قولت اروح انا : الف سلامه يا غالي قولي بس ايه الي تعبك ابويا : مش عارف يابني جتلي نغزه في القلب انا : طيب تحب نروح لي دكتور وله حاجه ابويا : لا يا حبيبي مش محتاجه النغزه دي جتلي من يوم ما اتولدت انتا و اختك (حط ايده على ايدي شويه و ابتسم) قولي ايه الي مديقك انا : لا مفيش حاجه انا تمام ابويا : مش ها تبطل كذب طيب براحتك لما تحب تحكي ابقي قولي انا دايما فاضي اسمعك انا : (بوست ايده) ربنا يخليك ليا يا حج اقوم اغير هدومي و انزل الشغل عايز حاجه ابويا : لا يا حبيبي تروح و ترجع بالسلامه سبت ابويا و دخلت الاوضه بتعتي غيرت هدومي و لبست هدوم الشغل و نزلت رحت المصنع قولت اهلك نفسي في الشغل بدل ما اهلك نفسي في التفكير في روان خدت ورديه زياده لحد الساعه 1 بليل طلعت من المصنع ولقيت عماد واقف بره بعربيته عماد : ايه يابني اختفيت فجأه انا : معلش كان عندي شغل قولت اروح عماد : طيب اركب انا : (ركبت جنبه العربيه) عماد : بقولك عايزك في خدمه محدش ها يعرف يعملها غيرك انتا انا : عيني ليك يا اخويا عماد : منه اختي عايزه حد يذاكر ليها وانتا عارف انا خلقي ديق و بخاف من داين و مدين بيطلعه في احلامي (الي ميعرفش داين و مدين فا هيا اساس المحاسبه و هيا فعلاً بتطلع في احلام الطلبه ) انا: طيب ابقي اشوف يوم فاضي عماد : يوم فاضي ايه دي عندها امتحان محاسبه متوسطه بكره و احمد حافظ رخم وانتا عارف انتا الوحيد الي فاهم دماغه في الامتحانات انا : طيب يا عماد ماشي عماد : (تلفونه رن و كانت روان رد عليها و فتح السبيكر) الو يا روان روان : الو يا عماد عامل ايه عماد : كويس انتي عامله ايه روان : مش كويسه خالص يا عماد عماد : ليه بس قولي روان : في مشكله مع ايهاب عماد :انا سمعت اني في مشاكل بنكم بس ايه هيا معرفش روان : (حكت كل حاجه لي عماد) بس مش عارفه اعمل ايه انا عايزه اصلحه عماد : يعني انتي عملتي كل ده و عايزه تصلحيه انتي ع**طه روان : ليه يا عماد عماد : انتي خونتي الواد و عايزه اقولك ايه لا انتي كده ع**طه بقولك ايه يا روان ايهاب كان بيحبك قوي الي انتي عملتيه ده ها يدمر الواد ابعدي عنه يا روان كفايه كده (قفل السكه في وشها و بص قدامه) بص انا مليش اقولك اعمل ايه و متعملش ايه بس حاول هيا عايزه ترجع ليك و كلنا بنغلط انا : عماد مش كده عماد : هيا عايزك انا بس هزأتها علشان الموضوع مستفز بس خلاص بقي عادي غلطه و بتقول ابوها اجبرها علي كده انا : ابوها ده اجبرها علي ضابط و ابن راجل أعمال تقيل جدا و هيا بنت قاضي في مجلس الدوله المرشح يكون وزير العدل دي حرب خسرانه هما اقوي مني بكتير وانا زي ما انتا شايف اشتغلت في كل حاجه علشان اصرف علي نفسي و اخف شويه عن ابويا انتا عارف عمري ما دخلت حرب خسرانه عماد : طيب روقك و خلاص انا اديتك النصيحه انتي ادري اعمل بيها الي انتا عايزه انا : يله بس نخلص مشوار اختك ده يله اتحركنا من قدام المصنع و رحنا علي الفيلا بتاعتها وصلنا كانت امه قاعده اسمها وفاء وفاء : (ست أرستقراطية بنت ناس بس ست زي العسل وطيبه جدا و بتحبني جدا) ايه ده ايهاب باشا عندنا انا : ازيك يا فوفا عمله ايه وفاء : كويسه يا عين فوفا كل ده متسألش عليا يا واطي انا: معلش بقي مشاغل يا قمر وفاء : طيب قولي اخبار البنات ايه في الكليه بتعتك ها اوعي تكون زي الموكوس ابني انا : لا لو دي اسألي فيها الموكوس وفاء : ههههههه عارفه انك انتا الي موكوس مش هو يابني عيش شبابك اعرف واحد و اتنين و تلاته الايام دي مش ها تتكرر عماد : نقفل النقاش ده اقعد لحد ما انادم منه طلع عماد ونزل مع منه و دخلنا اوضه السفره بس خلتهم يسيبه الباب مفتوح قعدت اشرح ليها لحد ما خلصنا و طلعنا وفاء : ها يا ايهاب حققت المعجزه و فهمت انا : لا منة ذكيه جدا منة : شوفتي طلعت ذكيه انا : جدا ال*قارات اصول ثابته وله متداوله منة : ها متداوله انا : مب**ك السقوط يا بنتي ثابته منة : خلاص ثابته انا :انا كده اطمنت يله يابني وصلني طلع معايا عماد وصلني لحد البيت طلعت فوق دخلت الشقه و عديت من جنب اوضه ابويا و امي سعت النقاش ده ابويا : مش فتحي كلمني النهارده امي :و عايز ايه ده ابويا : عايزني اروح ازورهم انا و الاولاد امي :بلاش يا جمال مش عايزنهم يفهمه الزياره دي طمع ابويا : انا مش طمعان في حاجه غير اني اشوفهم خايف قوي يا حنان حاسس اني ها موت قريب و عايز اشوف امي امي : بلاش الكلام ده تموت ايه انتا لسه في عز شبابك و ها تفضل عايش لحد ما تجوز البنت و الواد و تشوف حافدهم كمان ابويا : مش عارف يا حنان انا النهارده كذبت على ايهاب لما سألني انتا تعبان من ايه لو عرف اني اغمي عليا في الشغل ها يتخض عليا قوي امي : بص بلاش تحسبها سبها على الستار خلص النقاش وانا مشيت الصراحه انا شخصيه فضوليا جدا دخلت الاوضه ونمت و تاني يوم نفس الي حصل امبارح اختي صحتني فطرت و نزلت الجامعه و هيا طلعت على المدرسه بتعتها خلص طابور الصبح و طلعه الفصول واحده صحبتها قعدت معاها اسمها سحر سحر : بقولك ايه يا مارو مروه : عيوني سحر : الواد سامي الي معانا في درس الجغرافيا مروه : ماله سحر : شوفتي الواد قمر ازي مروه : وبعدين سحر : بصي انا و هو اصحاب و كان كلمني انه معجب بيكي و عايز يتعرف عليكي مروه : (ابتسمت الانها افتكرت كلمه كنت قولتها ليها زمان (في اصحاب تدخلك في الخير و في اصحاب تدخلك في الشر و الشاطر الي عرف الفرق)) بصي يا سحر انا مليش في الجو ده سحر : ليه بس بصي اي ست بتكون محتاجه لي راجل شاب معاها مروه : مش انا انا مليش في الجو ده سحر : طيب بصي (فتحت التلفون و طلعت صوره تلفون ايفون) شوفتي الهديه الي كان جيبها لي صحبته القديمه و بعدين انتي كان نفسك في ايفون صح مروه : ده سبب ادعي اني ارفض بصي يا سحر انا بنت عاديه من اسره فقيره بس ابويا و اخويا علموني اني ارفض اي حاجه غلط مش علشان حاجه نفسي فيها اعمل حاجه غلط سحر : بس مروه : (بحده في الكلام) سحر بلاش نتكلم في الموضوع ده علشان مخدش عنك فكره غلط يله المستر دخل المشهد الريسي وصلت الجامعه و خلصت المحاضرات و قعدت شويه مع عماد و لقيت روان جيه علينا روان : ايهاب عايزه اتكلم معاك لوحدنا منة : (دخلت علينا و كان في حاجه متغيره فعلاً لابسه لبس مش اسلوبها هيا بتلبس كويس و كل حاجه بس ده مش لبس تحس انه غفير بشنب لا لبسه كا انثي) صباح الخير روان : ايهاب قوم معايا انا: (شورت ليها بصباعي تسكت و كلمت منه) ايه الشياكه دي كلها يا منة شكلك قمر منة : (ابتسمت ب**وف) شكرا يا ايهاب روان : بقولك عايزه اكلمك انا : (بصيت لي روان ببرود و بنظره عين جامده و قومت و في ايدي علبه) اتفضلي الساعه بتاعتك افتحيها و شوفيها روان كل الي بنا انتهي اتفضلي و دي نهايه كلها اخلاق رجعت اقعد مكاني و روان مشيت و هيا بصه في الارض انا : منه معاد المحاضره بداء الحقيها منه : ها اه ماشي سلام طلعت منة و انا قلبت وشي عماد : قولي يا ايهاب انتا مصطبح انا : لا عماد : اصلك عا**ت اختي لو انتا شارب قول عادي انا : (خدت نفس) لا مش شارب و ايوه عا**ت اختك و قدامك وده درس ليك علشان تتعلم عماد : (بغضب) اتعلم ايه انتا مجنون ازاي تعمل كده انا : تتعلم اني لما تلاقيني قفلت حوار متفتحهوش انتا قولت لي روان تيجي و تقعد تتكلم معايا و انا قولتلك امبارح اقفل الموضوع ده خالص حصل وله لا عماد : حصل بس انا :مفيش بس اسمع يا عماد لو كلامي لي اختك جرح كرامتك ف حركتك دي فتحت جرح و حطت عليه ملح وجعتني قوي يا صاحبي هيا دلوقتي فاكره ان انا اللي عملت الحوار علشان ارجع ليها فهمت انتا وجعتني ازي عماد : (بص في الارض و رجع بص ليا تاني) انا محسبتهاش كده انا : بس هيا حسبتها كده وانا بتكلم مع عماد في رقم غريب عمال يرن عليا وانا مش برد لحد ما زهقت و رديت انا : الو مين شخص : ايهاب جمال معايا انا : ايوه انا مين معايا شخص : انا مصيلحي يا ايهاب صاحب ابوك في الشغل انا : اه اهلا يا عمي خير مصلحي : الحاج تعبان شويه تعاله علي مستشفي........ انا :انا جاي جاي سلام قفلت معاه عماد :في ايه انا : ابويا تعب و دخل المستشفي عماد :طيب انا جاي معاك طلعنا ركبنا العربيه و رحنا المستشفي لقيت امي و معاها اختي دخلت جوه الاوضه لقي ابويا نايم على سرير و متوصل ب اجهزه ابويا : (بيتكلم بصعوبه شديده) ايهاب انا : (نزلت على رجلي جنب السرير و مسكت ايده) انا هنا يا ابويا ابويا : إيهاب عايزك تدفني في البلد جنب اهلي انا : بلاش الكلام ده يا بابا ابويا : الكلام ده كان لازم من زمان اقوله خلي بالك من نفسك و من امك و اختك ها دول امانه انا سيبها معاك لحد ما اقبلك في الاخره انا : (الدموع غلبتني) بلاش تقول كده انا مشبعتش منك بلاش تقول كده انا عايزك جنبي ابويا : مش بايدي يابني خلاص قضي الامر قطع النفس و الجهاز طلع صفاره طويله تعلن وفات ابي كانت صدمه كبيره جدا وله الاكبر جي طلعت بره الاوضه وسط بكاء هستيري من امي و اختي وانا بحاول اكون متماسك بس دموعي غلبتني بعد وقت انا مش حاسس به لقيت ناس دخله عليا لبسين جلاليب فلاحي و في واحد منهم شخص : البقاء لله يا ايهاب يا ولدي انا عمك فتحي اخو المرحوم ناوي علي ايه يا ولدي انا : في ايه فتحي : في الدفن انا : ابويا وصي انه يدفن في البلد فتحي : عداك العيب يا ولدي كريم كريم : ايوه يا عمي فتحي :روح خلص الإجراءات بسرعه اوعي عمك ينزل تلاجه كريم : حصل ياعمي مشي الشاب ده و رجع بعد نصف ساعه كريم : حصل يا عمي فتحي : (حط ايده علي كتفي) محدش يعزيك يا ايهاب يله علشان ندفن نزلت اول واحد و ركبت مع عماد و امي و اختي ركبه العربيه وانا واقف قدمها و الناس الي من اهل ابويا طالعين و شايلين النعش و انا واقف مصدوم لقيت واحد حط ايده على كتفي شخص : انتا ايهاب جمال انا : ايوه انا انتا مين شخص : انا المقدم محمد سالم مباحث (شاور لي ناس معاه) خدوه علي البوكس انا : خير يا باشا في ايه محمد : ها تعرف في القسم يا روح امك انا :طيب يا باشا انا ابويا توفي دلوقتي اديني وقتي ادفن و اجي لي حضرتك او لو تحب احضره الدفنه و انا معاكم محمد : (بص ليا ببرود) لا شدوني من الحزام بتاع البنطلون و محدش واخد باله كله ملهي في الخرجه ركبني البو** و احركنا خطوتين و العربيه وقفت الفصل ده الاول في السلسله الاولي ل البدايه في الفصل ده انا رسمت شويه خطوط عريضه لي القصه في الفصول الجايه ها تعرفه ليه اسمها البدايه و هيا بدايه ايه بالظبط و خليهم فاكرين اي بدايه ليها نهايه يتبع......