ANG akala ni Tere, pagkatapos nang nangyari ay hindi na siya haharapin o kahit kakausapin man lang ni Liam. Kaya nagulat ang dalaga nang paggising niya kinabukasan ay naging bisita niya ito. Tamang-tama naman na wala ang papa niya.
Hindi niya alam kung ano ang sasabihin o kung kaya ba niyang humarap kay Liam. Kaya iiwasan sana ito ni Tere. Pero naabutan siya nito sa lanai. Sinubukan ng dalaga na patigasin ang ekspresyon ng kaniyang mukha nang harapin niya si Liam. Ayaw niyang iparamdam ang kahinaan niya dahil hindi na niya aatrasan ang nasimulan na.
"Wala rito si Papa. Kaya bumalik ka na lang mamaya. Ayokong makipag-usap sa'yo."
"Ikaw ang ipinunta ko rito, Tere, dahil gusto kong mag-usap tayo. Gusto kong maintindihan kung bakit mo ito ginagawa sa'kin." Datapwa't malambot ang mukha ni L
