SOBRANG tuwa ni Tere nang kahit papaano ay natuto na siyang lumangoy. Pagkatapos siyang turuan ni Liam. Magaling itong magturo. Naalala ni Tere na isa rin pala sa favorite sports nito ang swimming.
"Isa pa, Kuya, please?" ayaw paawat na sabi ni Tere. Nakalambitin siya sa batok ni Liam habang nakayapos naman ang mga braso nito sa baywang niya. Kahit papaano ay nasasanay na siya sa sensasyong dulot nito sa katawan niya. "Gusto ko pang mag-practice tayo."
"Basta isa na lang, ha? Baka mapagod ka."
"Promise po," malambing na tugon ni Tere.
Mahigpit na hinawakan ni Liam ang kamay niya at inilubog siya sa tubig. Nagpumiglas si Tere pero never siyang binitiwan nito. Ilang beses nila iyong ginawa hanggang sa ipinulupot uli ni Liam ang mga braso nito sa kaniyang katawan para i-steady siya. Mabi
