"What was that?" tanong niya sa akin nang makapasok kami sa loob ng kaniyang opisina. Padabog niyang isinarado ang pinto noon.
Matalim ang mga matang niyang nakabaling sa akin. Ano na naman bang nagawa ko? Parang laging galit naman ito. Ipinaglihi ba ito sa sama ng loob?
"Ako na naman?" Hindi makapaniwala kong untag. Nasa akin ba ang mga mata ng isang ito at ako na lang lagi? wala ba itong ibang nakikita kung hindi ako?
Mas tumalim ang kaniyang mga titig sa akin. Kulang na lang ay bumulagta na ako sa sahig dahil para na rin naman akong sinasaksak ng kaniyang mga tingin.
"I was just asking. Wala ba akong makukuhang matinong sagot galing sa'yo?" pagalit niyang angil sa akin. Napairap na lang ako.
"E, sa pinagkamalan akong si Zane daw. Malay ko ba kasi kung sino 'yon? Sa takot nung k
