“May kasalanan ako,” sabi ni Honey nang makaupo kami sa bakanteng table sa loob ng cafeteria. Pareho kaming tinamad na maglakad ng malayo kaya naisipan namin na dito na lamang kumain para may time pa kami na mag-review para sa susunod na class.
Masasabi ko na okay naman pala ang food dito sa cafeteria dahil kahit papaano ay healthy ang sine-serve nila at libre pa. Kasama raw sa binayaran na tuition fee ang cafeteria food basta magpakita lang ng I.D na dapat i-scan bago pumila sa counter. Imbes na plato ay food tray ang binibigay na may laman na iba’t ibang pagkain kagaya ng chicken curry na good for one-person ang portion, white rice, banana, grilled pork and mixed veggies. May bottled water din at yogurt milk na binibigay. This is the first time na kakain kami dito kaya nakakatuwa na
