Talagang dinamdam ni kuya Gun ang nangyari, hindi siya sumabay sa amin maghapunan.
Balak ko siyang makausap ng masinsinan ngayong gabi, bahala na kung ayaw niya akong harapin. Pipilitin ko siya na mag-usap kami, marami akong dapat linawin sa kanya.
“Hindi ka ba nagagalit sa kanya? Sa totoo lang medyo nakakahiya yung ginawa niya. Manununtok siya dahil lang may nakatingin sa 'yo?”
Napabuntong hininga ako sa sinabi ni Darcie. Tinawagan ko siya dahil kailangan ko ang opinyon niya sa ganitong bagay.
Hindi ko sinabi sa kanya na mayroong IED si kuya Gun kaya siguro ganyan ang nasasabi niya.
Ayoko namang maglihim kay Darcie pero masyadong personal ang kalagayan ni kuya Gun. Napabuntong hininga na lang ako saka napailing.
“Hindi ako nagagalit sa kanya Darcie, naramdaman niya rin kasi na hind
