“Loreng, okay ka lang ba talaga?”
Natigilan ako sa malalim na pag-iisip at napatingin kay Darcie. Dapat talaga hindi ko ipahalata sa kanya na malalim ang iniisip ko. Malakas pa naman ang pakiramdam ni Darcie.
“Are you really okay Lorraine? Maputla ka rin,” sabi naman ni Kishy saka kumapit sa braso ko. Tipid na ngumiti na lang ako.
“Okay lang ako, napuyat lang,” sabi ko na lang para hindi sila mag-alala.
“Bakit kay Lorraine ka lang may pakialam? Nakakaselos na ha,” sabi naman ni Raiken saka umismid. Natawa na lang si Kishy at hinampas siya.
“Ang arte mo talaga,” natatawang sabi na lang ni Kishy saka kumapit sa braso ni Raiken para hindi na ito magtampo.
“Sus, kumakapit ka pa sa 'kin. Kay Lorraine na lang, parang mas gusto mo siya kapitan eh.”
“Seryoso Ken-tot? Pinagseselosan mo talag
