Hindi ko alam kung bakit ako dinala ni Sir Bell sa mall. Sabi niya sa akin kanina na pupunta daw kami sa isang Isla dahil may titignan siya doon kung okay ba pagtayuan ng branch sa business niya. Nagpapanggap siya na parang walang nangyari sa amin kanina. Hays, huwag mong isipin iyon ngayon Nova.
Kasalukuyan kaming nasa mall.
"Pumili ka" sabi niya sakin. I looked at him confused at tinuro niya sakin ang mga naglinyahang mga magagarang damit. "Sasama ka sakin kaya dapat maayos ang mga damit mo" walang emosyong sabi niya. Kahit nakakahiya, Hindi na ako tumutol dahil alam ko na hindi mo pwedeng tanggihan si Sir Bell.
Mga dress ang nasa section na ito kaya kumuha ako ng isa. Narinig ko na napabuntong hininga si Sir Bell at nagulat ako nang kumuha siya ng maraming damit at nilagay sa cart.
