Kabanata 17
WALANG imik si Addison sa loob ng sasakyan ni Dusk. Napilitan siya na sumabay dito sa sasakyan kahit na ayaw sana niya. Naiilang kasi siya na sobra sa nangyari sa kanila kanina. She couldn't even look at him straight into the eyes.
Tumitingin ito sa kanya sa rearview mirror, pero napapabawi siya ng tingin. Hanggang sa makarating na lang sila sa farm ay hindi siya umiimik. Mas mabuti pa sigurong sa mga kasambahay na lang siya sumabay. Tapos, ayaw siyang pasakayin ni Dusk sa likod. Gusto nito ay magkatabi sila. Iyon din naman talaga ang balak niya dahil ayaw naman niya na gawin at papagmukhain itong driver.
Maraming mga tolda sa farm nang dumating sila. Marami rin magagarang sasakyan ang naka-park kung saan-saan. Halata niya ang yaman ng pamilya. Ang mga nakikita niyang tao na
