Kabanata 16
MABABALIW si Addison sa paghahanap niya sa nawawalang pocketbook na binabasa niya kanina. Ipinatong lang niya iyon sa center table pero nawala na. Hindi niya napagtuunan ng pansin ang paghahanap dahil inasikaso na muna niya ang letterbox ni Fiyago. Iniwan niya ang kanyang alaga sa loob ng kwarto na inuukupa niya. Tulog lang naman iyon nang tulog dahil siguro sa sobrang katabaan at katakawan. Ngayon ay hindi iyon nagnanakaw ng pagkain dahil sagana sa pagkain ng pusa tapos ay binibigyan pa ng mga ulam.
Inilapat niya ang pinto ng kwarto. Bihis na siya at mahahanap na niya ang pocketbook ni Ramona. Imposible talaga na mawala iyon. Babasahin pa niya iyon at tatapusin. Iisa lang ang pwedeng makialam no'n, si Dusk dahil iyon lang naman ang naiwan sa itaas kanina nang bumaba siya par
