Nang lumabas ako ng banyo ay naabutan ko si Tanders, na pinapalitan na ang bed sheet ng kama. Hindi ko siya pinansin at umupo lang ako sa sofa. Bathrobe lang ang suot ko dahil wala naman akong dalang damit. Naiinis talaga ako sa matandang ito, ano bang pumasok sa isip niya at basta na lang akong dinala dito?
Nang matapos niyang palitan ang bed sheet ay mabilis din niyang inilabas ang mga labahin, kasama ang mga damit namin. Kaya muli akong bumalik sa kama at muling nahiga. Madaling araw pa lang, kaya may oras pa para matulog ako. Parang nanghina din ang katawan ko, dahil siguro sa pagsusuka ko kanina. Ipinikit ko na lang ang mga mata ko upang muling makatulog.
Ngunit muli akong napamulat ng mata, dahil naramdaman ko ang pag-upo ni Tanders sa tabi ko.
"Sweetheart, bumangon ka muna para
