MABILIS na naglakad si Travis patungo sa kanyang mga kasamahan. May hawak siyang baril sa magkabilaan niyang kamay at naka tutok ito sa kanyang mga dinaraanan. Ginagamit din niya ang talas ng kanyang pakiramdam, dahil madilim ang paligid at hindi niya makita kaagad ang mga kalaban. Baka biglang may lumabas na kalaban mula sa dilim at maunahan siya.
Kasalukuyan naman na nakikipag laban sina Lisa at Pamela, nang datnan ni Travis ang dalawa. Lalapit na sana siya sa dalawang babae upang tulongan ang mga ito ng bigla na lang may lalaki na lumabas mula sa likod ng isang drum at tumalon papunta sa kanya.
"Hiiiiyaaaah!" malakas na sigaw ng lalaki, habang pabulusok ito sa gawi ni Travis.
Kaya agad na isinukbit ni Travis ang kanyang mga baril, dahil gusto din niyang mag papawis ngayong gabi. Mu
