"Kung ako lang po ang masusunod ay kahit ngayon na mismo, Nay Rosa." agad na sagot ni Travis sa matanda. Masaya si Travis na isipin na magpapakasal na sila ni Joy. Napaka tagal na panahon niyang hinintay ang pagkakataon na mapakasalan niya si Joy. Kahit noong una pa lang niyang makita ang dalaga ay pinangarap na talaga niyang maging asawa si Joy.
"Nagmamadali ka masyado, Tan...Travis..." agad na sagot ni Joy. Kamuntik pa niyang matawag na Tanders ang binata sa harapan ng kanyang Nanay Rosa. Buti na lang at bigla niyang naisip na si Nanay Rosa pala ang kausap niya.
Malawak naman ang pagkaka ngiti ni Travis, dahil sa unang pagkakataon ay tinawag na siya ni Joy sa kanyang pangalan. Kahit alam niyang ginawa lamang iyon ni Joy, dahil kaharap nila si Nanay Rosa.
Nang matapos silang kumain
