EVA
Naalimpungatan ako sa mahinang pagyugyog sa balikat ko. Kaagad naman akong napaupo nang matuwid nang maalala ko kung anong nangyari.
"Si-Sino kayo? Wa-Wala akong pang-ransom sa sarili ko!" Halos lumuwa na ang puso ko sa kinalalagyan nito dahil sa sobrang bilis ng pagtibok nito. Doble-dobleng kaba at takot na ang nararamdaman ko.
Nanlaki ang mga mata ko nang tinutukan ako ng baril ng babaeng gumising sa akin. Para akong natuod sa kinauupuan ko. Nasa loob pa rin kami ng van at nakatigil na iyon sa harap ng isang mansyon.
"Baba."
Pakiramdam ko nawalan na ng lakas ang mga tuhod ko at hindi ko iyon maigalaw. Bumaba ang babae at tiningnan ako. "Baba."
Nanginginig man ay pinilit kong igalaw ang mga paa ko.
"Sumunod ka," sabi ng babae nang tuluyan na akong makababa.
Hawak ang sa
