EURICE
Kanina pa ako nakatingin kay Hujin na abala sa kakapindot sa cellphone niya. Parang baliw dahil maya't maya ay ngumingiti na abot 'ata hanggang kalawakan.
Mangangampanya ang papa nila dahil tumakbo ito bilang senador, at nandito kami para tumulong at sumuporta. Huling termino na rin nito sa pagiging gobernador sa lalawigan nila. Si Joaquin ang papalit sa kanya at tatakbong gobernador. Tumakbo ako ulit sa kongreso ayon na rin sa utos ng demonyo— ni Ramon, dahil tatakbo rin siya sa senado. Magkaalyado sila ng papa nina Joaquin at Hujin.
Ito rin ang unang araw na lalabas sa madla si Eva at magpapakita kunwari ng suporta kay Joaquin. Hinihintay na lang namin ang pagdating niya. Hindi ko pa alam kung alam na ba ng papa ni Joaquin ang tungkol kay Eva.
Lumapit ako kay Hujin at tahim
