Tatlong buwan nang magkasama sina Karen at Lora sa iisang bubong masasabing mong malaki ang pinagbago ni Karen. Masaya si Lora dahil sa kabila nang lahat ng pinagdaanan nila ni Karen ay mananatiling matatag ang kanilang pagkakaibigan. Araw ng sabado ngayon wala naman silang pasok dahil kakatapos lang ng exam kaya nagpasya si Lora na dalawin ang nanay niya sa puntod nito.
“Good morning Lora kumain na tayo masarap ang luto ko ngayon.” Pagmamalaking sabi ni Karen at ngumiti pa ng napakatamis habang nagtitimpla ito ng kape.
“Wow! Amoy pa lang mukhang masarap nga.” Aniya Lora at umupo na sa bakanteng upuan.
Umupo na rin si Karen sa harapan ni Lorabelle at tahimik nilang pinagsaluhan ang masarap na almusal. Tanging ingay lang ng kanilang mga pinggan at bibig ang maririnig sa hapagkainan.
