JAMES
Inilihim ko kay Amara ang lahat ng natuklasan ko. Pansamantalang hiniram ko ang laptop nito dahil gamit ko ito sa pag-imbestiga ng mga bagay na gusto kong malaman right after na mawala ako.
Malaking tulong talaga ang technology dahil naging mabilis ang paghahanap ko ng impormasyon tungkol sa akin.
Hawak ko ngayon ang mga dokumento na nakuha ni Amara sa ampunan kung saan ako lumaki bilang si Jaxon na ipinakita niya sa akin habang panay ang research ko sa katauhan ng taong gamit ko ngayon ang katawan.
Wala siyang social media account para ma-trace ko ang pagkakakilanlan. Tanging ang ilang larawan lamang na nasa harap ko at dukomento ang magpapatunay sa pagkatao nito.
Ngayon ko lubos na naunawaan na wala siyang nakilalang mga magulang hanggang sa lumaki at na punta sa lansangan.
