Nakatayo sa tapat ng salamin si David. Sinisipat ang mukha habang hinahawakan ang malalim niyang eyebags.
Napabuga nang hangin si David. Sa tuwing mapupuyat talaga siya, ito ang nagiging bunga, ang pag-itim ng ilalim ng kanyang mga mata.
Hindi masyadong pinatulog si David ng nangyari kagabi. Patuloy iyon sa pagtakbo sa kanyang utak at may bahagi sa kanya na hindi na makapaniwala na pwede palang mangyari sa kanila ni Maxwell ang ganun.
Gusto sana niyang isipin na normal lang naman sa mga lalaking magkakasama ang ganun. May mga naririnig na siyang kwento noon na kapag nagkasama-sama ang mga magbabarkadang lalaki sa iisang kwarto o lugar, minsan ay maiisip ng mga ito na gumawa ng mga kalokohan gaya na lamang ng makamundong gawain.
Napatango-tango si David. Huminga siya ng malalim.
“Tama,
