Nasa hapagkainan si David. Mag-isa lamang siya at nakatingin sa mga pagkaing nakahain sa harapan niya pero hindi niya pa nagagalaw kahit isa sa mga ito.
Tulala si David. Napapaisip kung bakit bigla tila nanlamig ang pakikitungo sa kanya ni Maxwell. Hindi niya kasi maintindihan ang biglaang pagbabago nito.
“Dahil ba sa biglaang pagpunta kagabi ni Bertrant?” mahinang tanong ni David sa sarili. “Pero tinulungan niya pa ako. Ano nga kaya ang dahilan?” tanong pa niya na pabulong.
Huminga nang malalim si David. Tiningnan niya ang pintuan ng bahay. Gusto sana niyang puntahan si Maxwell sa clinic nito para dalhan ng pagkain dahil mukhang hindi pa ito kumain ng almusal dahil wala man lang bawas ang mga pagkaing inihanda nito pero may pumipigil sa kanya.
“Hays!” malalim ang naging paghinga ni D
