Nasa loob ng clinic ngayon sila Maxwell at Riley at abala sa kanya-kanyang ginagawa. Nililinis at inaayos ni Riley ang mga ginamit nilang tools kanina sa operasyon habang si Maxwell naman ay nakaupo sa swivel chair nito at may mga binabasang papeles. Nakakabingi ang katahimikan sa loob.
Tiningnan ni Riley si Maxwell. Napangiti ito ng tipid at malalim na napabuntong-hininga rin. Hindi sila masyadong nag-uusap nito. Maya-maya ay iniwas na rin nito ang tingin kay Maxwell saka ipinagpatuloy ang ginagawa.
Inayos ni Maxwell ang pagkakasuot ng salamin niya sa mata. Nilipat ang pahina ng binabasa niyang papeles ng isa sa mga pasyente niya.
Hindi nagtagal ay natapos na rin sa ginagawa si Riley. Isinara ang cabinet na pinaglagyan niya ng mga tools saka naglakad palapit sa mesa ni Maxwell. Tumayo
