Hindi maalis ang abot-tengang ngiti sa labi ni David. Halata sa maaliwalas na mukha niya ang labis na kasiyahan habang inililibot ang tingin sa kabuuan ng kakatapos lamang ayusin na art gallery.
Hindi akalain ni David na darating ang araw na ito. Ang akala niyang pangarap lang noon ay nagkatotoo na ngayon at malaki ang pasasalamat niya sa taong katabi niya ngayong nakatayo sa gitna ng newly renovated na art gallery na ito.
Nakatingin naman si Maxwell kay David. Nakangiti rin ito at halatang masaya dahil sa masaya si David.
Napakaganda ng kinalabasan ng pagsasaayos ng art gallery. Mula sa abandonadong resto ni Gavin, nagawan ng paraan na maging isa itong magandang lugar na pwedeng puntahan ng mga taong mahihilig sa arts.
Masasabing isa ito sa magagandang galleries na meron sa lugar na i
