Nasa loob ng home office niya si Bertrant. Nasa harapan niya sila Ismael at Ryan na nakayuko ang mga ulo at puno ng kaba ang dibdib dahil sa maaaring gawin sa kanila ng galit-galit na amo.
“Paanong nakatakas sa kamay ninyong dalawa si David?” tanong ni Bertrant habang matalim ang titig sa mga tauhan niya.
Nag-angat ng mukha si Ismael. Tiningnan si Bertrant.
“Pasensya na President sa aming kapabayaan. Kasalanan namin dahil naging kampante kaming hindi niya kami tatakasan-”
“Bodyguard kayo kaya dapat alerto kayo sa lahat ng oras. Lagi kong ipinapaalala sa inyo na bantayan niyo siya ng mabuti pero anong ginawa ninyo? Pumetiks kayo sa trabaho. Dalawa na nga kayo pero dahil sa katangahan ninyo, natakasan kayo ng nag-iisang binabantayan niyo,” nanggagalaiti na asik kaagad ni Bertrant na pumu
