Alya Maia “AMARIE” Rientes
Inagaw ko kay Yna ang tabloid na lukot-lukot at may punit. Gamit ang kamay ay plinatsa ko iyon. Binasa ko sa pahina kung ano ba ang kinagulat at kinagalit niya. Nang mabasa ang headline sa gitna tungkol sa akin ay hindi ko naiwasang mapangisi. ‘Hindi na talaga mawawala sa showbiz ang mga ganitong issue.’ Iyon nga lang, sa tinagal-tagal ko sa showbiz, ngayon lang ako nagkaroon ng bad record.
Ang balita ay tungkol sa aming dalawa ni Charie. Nakasulat roon na may galit ako kay Charie kaya nagkaka-problema ang buong set. ‘As if nandoon sila at nakikita ang lahat ng nangyayari.’ Sa article na iyon ay talagang napakasama ng image ko.
‘Ang ilan sa mga komento tungkol sa akin ay baguhan pa lang raw ako at malaki na ang ulo. Hindi pa ‘man sikat ay kala mo na kung sin
