NANG maghiwalay sila ni Casmel ay nagpa-iwan si Maryey sa Monterey Mall. Inilipat agad niya ang sim card sa bago niyang cellphone at inayos ang ilang details niya roon. Nang maging okay na ay agad niyang tinawagan si Sergio. Ngunit hindi ito sumasagot.
Bumuntong-hininga siya. Baka busy ito o ‘di kaya naman ay naiwan sa opisina ang cellphone kaya hindi sumasagot. Ilang text messages na rin ang natanggap niya rito mula pa kanina na ngayon lang niya nabasa.
Bakit daw hindi siya nagpapaalam kung may gagawin ba siya. Naka-off pa ang cellphone niya at hindi matawagan.
Napangiti siya sa pag-aalala nito.
Dahil hindi rin naman ito sumasagot kaya nagdesisyon siya na puntahan ito bago siya umuwi sa kanila. Katulad ng inaasahan niya ay wala nga si Sergio sa opisina nito. Ayon sa secretary ni Sergi
