5 YEARS LATER:
ROXANNE POV:
KABADO ako habang hinihintay ang pagdating ni William dito sa coffeeshop. Ang long time boyfriend ko. Kinakabahan ako dahil malalim na ang gabi pero wala pa rin ito.
Ngayon kasi ang 5th year anniversary namin at napagpasyahan na dito sa shop kami mag-celebrate. Pero pasado alas-onse na ng gabi ay wala pa rin ito. Malayo sa alas-otso na usapan naming pagpunta niya dito. Lumamig na nga ang mga niluto kong hapunan sana namin. Kahit ang mga candle dinner na nakapalamuti sa mesa para magmukhang romantic ay naupos na. Ang red wine namin ay naubos ko na. Pero wala pa ring William ang dumarating.
Napapalapat ako ng labi na panay ang sulyap sa aking wristwatch. Nangangawit na nga ang mga paa ko na nakatayo, palakad-lakad na hindi mapalagay sa isang tabi. Hindi naman
