BUMALIK sa CISA ang possession ng bola at si Alfante ang nagdala nito habang nakaabang na rin kaagad dito si Legazpi. Seryoso itong pinagmasdan ni Rommel at nakangisi naman ito sa kanya. Sa paglampas nga niya sa gitna ay siya ring pag-ingay ng crowd para isigaw ang koponan na kanilang kalaban.
“Thunder! Thunder! Go! Go! Go! Thunder!” Sinabayan pa iyon ng pagkalampag ng mga paingay kasama na rin ang paghampas sa malalaking tambol na dala nila.
Isang mahigpit na depensa ang ipinamalas ni Legazpi kay Alfante. “Hindi ikaw ang pinakamagaling na point guard ng CBL…” sabi pa nito at tila hindi makawala sa kanya ang binabantayan niya.
Napaseryoso naman si Rommel at napatingin sa kanyang mga kasamahan. Kaso, nang umatras siya ay bigla na lamang tumunog ang silbato ng referee na ikinagul
