NAPASERYOSO si Coach Erik nang makita ang ginawa ni Ricky. Ngayon lang niya nakitang ganito ito at ang narinig niyang sinabi nito sa mga kasamahan ay hindi niya inaasahan. Ni minsan ay hindi niya nakitang nanisi ang binata ng kakampi nito.
“Nakabalik ka na nga… pero, mukhang ang sarili mo ay hindi pa,” sabi ni Erik sa sarili at napatingin siya kay Larry Dizon na seryosong nanonood ng laro.
“Larry, maghanda ka, baka ipasok kita.”
Napatingin si Dizon kay Coach Erik at napaisip kung bakit siya maglalaro agad. Para tuloy siyang kinabahan pero nilabanan niya ang kabang iyon, dahil wala dapat sa bokabularyo niya ang bagay na iyon.
Bumalik sa CISA ang possession at ang bola ay nasa mga kamay na muli ni Mendez. Wala pa man siya sa kanilang side ay bantay-sarado na kaagad siya ni Al
