ISANG araw bago ang laban nila sa DWCC, makikita kinahapunan ang buong team ng CISA sa kanilang covered court pagkatapos nilang mag-practice. Si Ricky nga ay kasalukuyan nang nagpupunas ng pawis at katabi nito si Kier. Naghahanda na nga ito sa kanyang pag-uwi.
“Kailangan nating manalo bukas Mendez,” sabi ni Kier sa binata at sinabi niya ito para marinig kung ano ang masasabi nito rito.
“Mananalo tayo. Sure iyon,” nakangiti namang wika ni Ricky na tumayo na matapos malinis ang sarili gamit ang kanyang baong towel. Tinapik pa nga niya sa balikat si Kier.
“Huwag mong isipin na matatalo tayo captain. Tingnan mo na lang ang mga kasama natin, handang-handa na sa semis,” dagdag pa nito at narinig iyon ni Rommel na pasimpleng nakikinig sa usapan ng dalawa.
“Kasama ninyo ako. Paano
