NANG marinig ni Rommel ang mga sinabi ni Ricky ay hindi na nga niya mapigilang pagtawanan ito. Tinapik na nga lang niya ito sa balikat at pagkatapos ay sumeryoso nang lampasan niya ito.
“Ang importante ay manalo tayo… Iyon lang ang mahalaga para sa akin. At isa pa, ako na ang magiging number 1 player ng team na ito. Okay lang ba sa iyo iyon? Ricky Mendez?” seryosong winika ni Rommel at pagkatapos ay nilampasan na nga niya si Mendez habang nakatingin sa malayo. May kaunting pagkuyom din ang kanyang kamao at sandaling sumagi sa isip niya ang kanyang kapatid na si Reynan nang hindi inaasahan.
“Rommel, ipasa mo sa akin ang bola.”
Ipinasa ng batang si Rommel ang bola sa kanyang kuya at pagkatapos ay mabilis na tumakbo ang lalaki patungo sa basket ng ring na hindi naman ganoon kataas
