ANG IKALAWANG game ng CISA ay dumating na nga. Araw ito ng Biyernes at makikitang kahit na maliit na covered court lang ang mayroon sila ay unti-unti itong napupuno ng mga interesadong manood ng game. Kalaban nila ang team ng FAST at kahit na ito ang isa sa mga nangulelat na koponan noong nakaraang season ay hindi ito itinuring ng Flamers na isang easy win. Walang easy win para sa kanila dahil sa kanilang experiences.
Mula nga sa labas ng covered court ay may isang malaking projector na makikita para mapanood pa rin ng iba ang laro ng dalawang team sapagkat ang mga nasa likurang bahagi ay hindi na makikita ang nangyayari sa loob. Naglagay sila ng mga silong gamit ang malalaking trapal at dito’y makikita ang mga manonood na nakaupo sa mga upuang inihanda para sa kanila. Kinailangan ng p
