“RICKY!”
“Ricky!”
Kasalukuyang ginigising ni Jin si Ricky matapos nang marating ng kanilang sinasakyan ang kanilang destinasyon. Nasa hindi kalakihang parking area na sila ng Pinamalayan College na makikitang kulay orange ang pintura ng paaralan. Nagsibabaan na ang team CISA at naisipan na nga ng katabi ni Mendez na ito ay gisingin. Napaisip pa nga ang 7-footer na rookie ng team nang mapansing may luha sa gilid ng mga mata ng kanyang katabi na tila malalim ang pagkakatulog.
“Pareng Ricky, gising na!” bulalas nga nina Troy at Benjo na nakatayo na sa may bukas na pinto ng sasakyan.
Inuga-uga nga ni Jin ang balikat ng binata at nang maalimpungatan si Ricky ay bumigla ito ng pagmulat sabay hawak sa sandalan ng upuang nasa unahan niya na tila ba may hinahabol siya.
“Andrea!”
