KINABUKASAN, maagang gumising si Ricky para maghanda sa kanyang pagluwas. May kaunting kaba siyang nararamdaman pero naroon din ang excitement dahil makikita na niya uli si Andrea.
“Papunta ako ngayon sa Manila kasama ang kapatid ni Andrea. Magkikita na kami…” Ito ang laman ng chat ni Ricky kay Rich nang umagang iyon nang nasa byahe na siya papunta sa pier.
“Ingat. Sana maging okay na uli kayo.” Ito naman ang laman ng chat ni Rich at habang nakaupo sa harapan ng kanyang salamin ay napangiti siya sa likod ng malungkot na mga mata.
Sumakay sila ng barko at mula rito ay tinanaw ni Ricky ang dagat, ganoon na rin ang isla ng Mindoro na habang tumatagal ay lumiliit nang lumiliit sa kanyang mga mata.
“Pre, salamat,” wika pa niya sa kasamang si Andrei na tinapik naman siya balikat.
