“RICKY!” tawag ni Andrei sa kanyang kaibigang may kasamang babae na pamilyar sa kanya.
Nang marinig naman iyon ni Chloe at Ricky ay agad nilang nilingon ang pinanggalingan ng boses na iyon. Nang makita nga rin ng binata si Andrei ay mabilis niyang iniwanan ang dalaga para puntahan ito. Napansin iyon ni Chloe at sandali niyang pinagmasdan ang paglayo ni Mendez.
“Ang ate mo?” Ito ang unang itinanong ni Ricky kay Andrei nang muli silang magkita.
Si Andrei ay pinagmasdan ang kanyang kaibigan at ramdam niya na may hindi tama rito. Naisipan nga niyang tapikin sa balikat si Ricky.
“Pre, sorry kung hindi ako maka-reply sa chats mo…”
“Si Ate? Nasa Manila pa rin siya, kasama ni Papa.”
“Kailan ang balik niya? Sabihan mo ako para mahintay ko siya sa pier,” sabi naman ni Ricky n
