WALANG ibang gustong mangyari si Ricky kundi ang mas maging magaling pa lalo sa basketball. Ito kasi ang naging bago niyang goal matapos ang nangyari sa kanila ni Andrea. Babalik siya sa basketball, hindi upang maalala si Andrea, kundi gagamitin niya ang sports na ito upang mas makilala siya ng marami. Itutuon niya ang kanyang oras dito kaysa magpakalungkot at maging mapag-isa. Ayaw na rin naman niyang bumalik sa dating Mendez noong wala pa ang sports na ito. Ayaw na niyang maging isang normal na estudyanteng nag-aaral sa CISA. Gusto niyang magkaroon ng social life at magkaroon ng maraming ganap habang siya ay nag-aaral.
Hindi na siya dapat malungkot dahil ang mga bagay na nawala ay dapat na lamang niyang hayaan. Nasa loob-loob pa rin niya ang lungkot, pero kailangan na niyang kalimuta
