Pagbalik namin sa kaniya-kaniya naming Academy ay balik ulit kami sa dati naming gawain. Pero hindi pa rin mawala-wala sa isip namin ang mga nangyari sa competition na ginanap.
"Ano sa tingin niyo?" tanong ni Lyka na hindi rin mapakali sa kaniyang pagkakahiga sa sarili niyang higaan.
"Pinagloloko lang tayo do'n. Tayo naman uto-uto! Haaaay! Siguro kung may namatay sa atin, baka iyon pa ang parangalang bayani. Letche!" gigil na sabi ni Honey. "Muntik na akong mamatay do'n ah!" pahabol pa niya.
"May savior ka naman ah," nakangisi kong sagot kay Honey.
"Oh my God! Ayoko na!" Bigla siyang nagtutuwad sa kaniyang higaan. Dumapa, bumali-baligtad, sumuot sa ilalim ng unan. Ayon, nabaliw na ang loka-loka.
"Sabi ko na nga ba, lakas ng tama nito kay bumbay eh," naiiling na sabi ni Lyka.
"Hindi
