"He-"
Hindi ko napigilan ang sarili ko at malakas kong nasampal sa pisngi si Commander Russel.
"Simula ngayon ay pinuputol ko na ang paggalang ko sa iyo!" sigaw ko sa kaniya habang patuloy sa pag-agos ang aking mga luha.
Lumambot naman ang kanyang hitsura. May nabanaag akong kakaibang emosyon pero hindi ko na siya pinansin at kaagad ko na siyang tinalikuran.
"Maezie," tawag niya sa akin pero mabilis na akong naglakad para habulin si Cedric.
"Maezie!" Kaagad na akong tumakbo palayo nang lumakas ang pagtawag sa akin.
Tinanaw ko sa kinaroroonan nila Mama at Papa si Cedric pero hindi ko siya nakita doon. Naroon pa rin sila tita Cecil at tito Liandrake at masaya pa rin silang nag-uusap. Inikot ko na lang ang buong Camp at baka sakaling sa ibang lugar lang siya pumunta pero napagod lan
